У Вільні ўчора прызямліўся кантрабандны шар з беларускімі цыгарэтамі
Чалавек, які прыбыў па груз, параніў супрацоўніка паліцыі і збег, паведаміў у сераду Дэпартамент паліцыі.
Каля 21:00 у аўторак да знойдзенай скрынкі пад'ехаў аўтамабіль Mercedes Benz ML350 4MATIC. Мужчына, які выйшаў з машыны, накіраваўся да грузу, аднак, заўважыўшы паліцыянтаў, пабег і заскочыў назад у аўтамабіль, паведамляе LRT.
Пакідаючы месца здарэння, аўтамабіль зачапіў 25‑гадовага супрацоўніка паліцыі Віленскага павета ва ўніформе. Паліцэйскі па медыцынскую дапамогу не звяртаўся.
На месцы здарэння было выяўлена і канфіскавана 1500 пачкаў цыгарэт «NZ Gold» з беларускімі акцызнымі маркамі.
З-за пагрозы, звязанай з кантрабанднымі шарамі з Беларусі, учора ўвечары некалькі разоў уводзіліся абмежаванні на палёты ў Віленскім аэрапорце, упершыню з 6 снежня.
Паветраную прастору над аэрапортам часова закрывалі ў мэтах бяспекі грамадзянскай авіяцыі, пасажыраў і насельніцтва — службы фіксавалі навігацыйныя адзнакі, характэрныя для палётаў метэаралагічных шароў.
У выніку абмежаванняў частка рэйсаў была затрымана, некалькі самалётаў перанакіравалі ў Рыгу і Коўна, усяго змены закранулі каля 700 пасажыраў. Таксама паведамлялася аб збоях у ратацыі экіпажаў і паветраных суднаў, з-за чаго асобныя затрымкі магчымыя і сёння.
Сітуацыю кантралявалі службы грамадзянскай авіяцыі і Нацыянальны цэнтр кіравання крызісамі. Пасля ацэнкі рызык паветраная прастора над Віленскім аэрапортам была зноў адкрыта.
З-за пагрозы кантрабандных шароў з Беларусі, якія абмежавалі працу віленскага аэрапорта, міністр транспарту Юрас Тамінскас не змог вярнуцца з камандзіроўкі ў Бруселі, паведаміў прадстаўнік міністра Лукас Пашкявічус.
«Міністр сёння ўвечары паспяхова прызямліўся ў Варшаве, але са сталіцы Польшчы каманда не змагла дабрацца да Літвы. Абмежаванні паветранай прасторы ўведзены да 00:18», — паведаміў прадстаўнік Тамінскаса.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал14
Каментары