У Расіі 14‑гадовага падлетка асудзілі на сем гадоў за спробу падпалу ваенкамата
Другі Заходні акруговы ваенны суд Цвярской вобласці прысудзіў да сямі гадоў пазбаўлення волі падлетка 2011 года нараджэння па справе аб спробе ўчынення тэракту, піша «Медыязона».

Скрыншот відэа: ТАСС
На допыце падлетак распавёў, што знайшоў у тэлеграме падпрацоўку. Яму прапанавалі «даставіць сумку з горада Таржка ў горад Вышні Валачок да вайсковага камісарыята».
Паводле версіі ФСБ, падлетак перапісваўся з «прадстаўніком забароненай у РФ украінскай тэрарыстычнай арганізацыі» і па яго ўказанні «правёў разведку аб’ектаў нападу» і «вырабіў тры бутэлькі з запальнай сумессю».
Акрамя артыкула аб тэракце, падлетка таксама абвінавацілі ва ўдзеле ў дзейнасці тэрарыстычнай арганізацыі.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі
Каментары