Аднаго з узорных работнікаў Мазырскага НПЗ асудзілі па справе Гаюна
Уладзімір Чурыла прайшоў шлях да вядучага інжынера-тэхнолага і атрымліваў узнагароды за выдатную працу. Але нядаўна мужчыну асудзілі за «садзейнічанне экстрэмізму».
Уладзіміру Чурылу 39 гадоў. Ён мінчук. У 2004 годзе скончыў мінскую гімназію №56 з паглыбленым вывучэннем матэматыкі. У 2009 годзе атрымаў дыплом Беларускага дзяржаўнага тэхналагічнага ўніверсітэта па спецыяльнасці «Тэхналогіі арганічных рэчываў».
Сваю кар'еру ён пачынаў яшчэ студэнтам з практыкі на «Нафтане» і Мазырскім НПЗ на пасадзе дублёра аператара. З часам Чурыла стаў вядучым інжынерам-тэхнолагам паліўна-каталітычнай вытворчасці на заводзе ў Мазыры, дзе перапрацоўваюць серністую нафту. У чэрвені 2021 года Уладзіміру прысвоілі ганаровае званне «Найлепшы рацыяналізатар».
Па-за працай Уладзімір цікавіцца фінансавай граматнасцю і інвеставаннем: сочыць за каціроўкамі акцый, абмяркоўвае выгадныя банкаўскія карткі і дробныя пакупкі на маркетплэйсах. Вывучае праграмаванне. Таксама ва Уладзіміра ёсць сабака.
Яго затрымалі ў кастрычніку мінулага года. У выніку Гомельскі абласны суд вынес Чурылу прысуд паводле частак 1 і 2 артыкула 361‑4 Крымінальнага кодэкса Беларусі (садзейнічанне экстрэмісцкай дзейнасці). Пераслед па ім звычайна звязаны са справай Гаюна. Мужчыну далі хатнюю хімію.
«Наша Нiва» — бастыён беларушчыны
ПАДТРЫМАЦЬ
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары