Дзмітрый Мядзведзеў: Фінляндыі давядзецца заплаціць за сваю мярзотную русафобію
«Стуб кажа, а яго грамадзяне плацяць па рахунках».
Дзмітрый Мядзведзеў. Фота: AP
«Нейкі хлопец, якога зваць Стуб, кажа, што дачыненні Фінляндыі з Расіяй змяніліся назаўжды. Згодны. Я таксама на гэта спадзяюся. Спадзяюся, Расія ніколі не паўторыць памылку бальшавікоў 1917 года. Фінляндыі давядзецца заплаціць за сваю мярзотную русафобію», — напісаў былы прэзідэнт Расіі Дзмітрый Мядзведзеў у твітары па-англійску.
Паводле ягоных слоў, Фінляндыя «ўжо плаціць». «Стуб кажа, а ягоныя грамадзяне плацяць па рахунках», — падсумаваў намеснік старшыні Рады бяспекі Расіі.
Раней прэзідэнт Фінляндыі Аляксандр Стуб у навагоднім звароце да грамадзян заявіў, што адносіны Фінляндыі з Расіяй змяніліся назаўжды.
Прэзідэнт Фінляндыі Аляксандр Стуб. Фота: Carl Court / Getty Images
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары