У расійскіх школьнікаў стаў папулярны алкаголь у цукерках — яны скупляюць бутэлечкі з лікёрам і каньяком.
Расійскія школьнікі размятаюць у інтэрнэт-крамах цукеркі ў выглядзе бутэлечак, напоўненыя моцным алкаголем. Паводле паведамленняў расійскіх тэлеграм-каналаў, попыт на такія алка-прысмакі, найперш, ад беларускіх вытворцаў, а таксама французскія шакаладныя грушы, значна вырас напярэдадні навагодніх свят.
Некаторыя школьнікі ўжо пасля пары цукерак адчуваюць млоснасць і галавакружэнне, што звязана з моцным алкагольным ап'яненнем.
Шакаладныя цукеркі ў форме «бутэлечак» з каньяком і лікёрам з'яўляюцца даволі распаўсюджаным тыпам цукерак, што выпускаюцца рознымі кандытарскімі фабрыкамі. Асабліва папулярныя бутэлечкі з лікёрам і каньяком ад «Камунаркі». У сеціве нават завірусілася фота, дзе на фірмовай краме вісіць абвестка, што шакаладных бутэлечак у краме няма.
.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары