Сябар пацярпелай у Тайландзе 28‑гадовай беларускі Настассі Ясюкевіч паведаміў выданню «Анлайнер», што пераліванне ёй крыві адбылося. Ён пераслаў у рэдакцыю адпаведнае паведамленне ад консульства.
«Стан пацыента застаецца такім жа, як і ўчора. Учора донар здаў 3 пакеты крыві. Доктар пераліў пацыентцы 2 пакеты, і аналіз крыві палепшыўся. Аднак аперацыя ўсё яшчэ немагчымая: стан пацыента неабходна стабілізаваць і трэба назапасіць яшчэ крыві. Бальніца ўжо запытала кроў з банка крыві Тайланда, і тэрмін чакання складзе адзін тыдзень», — гаворыцца ў гэтым паведамленні.
Таксама «Анлайнер» атрымаў каментар ад пасольства Беларусі ў В'етнаме: там па-ранейшаму ўважліва сочаць за сітуацыяй.
Аварыя, у якой пацярпела Настасся, здарылася 6 лістапада ў правінцыі Канчанабуры на маршруце да ракі Квай, экскурсійны аўтобус з турыстамі перакуліўся і зваліўся з узвышша. Пацярпелі грамадзяне Расіі і Беларусі, двое чалавек трапілі ў рэанімацыю.
У 28‑гадовай беларускі шматлікія пераломы — рэбры, скула, пазваночнік. Жанчыне выдалілі селязёнку і жоўцевы пузыр.
У бальніцы сутыкнуліся з недахопам крыві для пералівання беларусцы — у Тайландзе яе група, трэцяя адмоўная, рэдкая. Але ў выніку прынамсі часова гэту праблему ўдалося вырашыць.
Для пацярпелай у жудаснай аварыі ў Тайландзе 28‑гадовай беларускі знайшлі донараў крыві
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві
У МЗС распавялі пра стан беларускі, пацярпелай у ДТЗ у Тайландзе
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Адна з беларусак, пацярпелых падчас ДТЗ у Тайландзе, у цяжкім стане
У ДТЗ у Тайландзе пацярпелі пяць беларусаў
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2
Каментары