Самага цяжкога гульца па амерыканскім футболе выгналі з каманды з-за лішняй вагі
Клуб Нацыянальнай футбольнай лігі (Ліга амерыканскага футболу ў ЗША) Tampa Bay Buccaneers скасаваў кантракт з навічком Дэсмандам Уотсанам, чыя вага дасягнула 204 кілаграмы.
Кіраўніцтва патрабавала, каб гулец скінуў вагу і палепшыў фізічную форму, аднак прагрэсу не было. У выніку яго выключылі са складу, піша Bild.
Уотсан раней падпісаў трохгадовы кантракт на суму да 3 мільёнаў даляраў, але гарантаванымі былі толькі 70 тысяч. Калі б ён выйшаў на поле ў афіцыйным матчы, то стаў бы самым цяжкім гульцом у гісторыі лігі. Рэкорд да гэтага часу трымаюць лінейныя Трэн Браўн і Дэніэл Фаалеле — па 172 кілаграмы.
Нягледзячы на звальненне, клуб можа захаваць Уотсана ў трэніровачным складзе. У такім выпадку ён зможа правесці да трох гульняў за сезон. Галоўны трэнер Тод Боўлс адзначыў, што разлічвае на магчымасць папрацаваць з гульцом у будучыні.
Пакуль жа Дэсманд Уотсан застаецца ў гісторыі НФЛ толькі як самы цяжкі футбаліст, які так і не згуляў ніводнага матча.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
Каментары