Прэзідэнт Польшчы зноў запатрабаваў рэпарацый ад Германіі за Другую сусветную вайну
Прэзідэнт Польшчы Караль Наўроцкі падчас урачыстасцяў у Гданьску, прысвечаных 86-й гадавіне пачатку Другой сусветнай вайны, зноў падняў пытанне, што Германія нібыта яшчэ павінна Польшчы гіганцкія рэпарацыі.
Наўроцкі падкрэсліў, што для пабудовы добрасуседскіх і шчырых адносін неабходна вырашыць пытанне ваенных кампенсацый. Ён заявіў, што як кіраўнік дзяржавы патрабуе іх «дзеля агульнага дабра». На яго думку, рэпарацыі патрэбныя не толькі як элемент гістарычнай справядлівасці, але і як гарантыя празрыстых адносін паміж Польшчай і Германіяй.
Да абрання прэзідэнтам у 2025 годзе Наўроцкі кіраваў Інстытутам нацыянальнай памяці, які вывучае злачынствы нацысцкай і савецкай акупацый. Падчас перадвыбарчай кампаніі ён неаднаразова ўздымаў тэму рэпарацый.
Варшава патрабуе ад Берліна кампенсацыю яшчэ з 2017 года. Сума ацэнена прыкладна ў 6,2 трыльёна злотых (каля 1,3 трыльёна еўра). Германія ж настойвае, што юрыдычна гэта пытанне закрытае, хоць і прызнае сваю гістарычную адказнасць.
Міністр унутраных спраў Польшчы лічыць малаверагоднымі перамовы Варшавы і Мінска
Украінскі журналіст назваў Наўроцкага «паханом». Яго звольнілі з польскага СМІ, а канцылярыя прэзідэнта заклікала перапісаць Канстытуцыю
Прэзідэнт Польшчы ўнёс у сейм праект закона, які радыкальна павялічвае тэрмін атрымання грамадзянства
Прэзідэнт Польшчы наклаў вета на папраўку да закона аб дапамозе грамадзянам Украіны
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы3
Каментары
І гэта з улікам факту, што нямецкія злачынствы ў час Другой сусветнай непараўнальна вялікшыя нават з тымі расійскімі зараз.