У Беларусі могуць увесці новыя аўтамабільныя нумары: «дзве літары — тры лічбы — дзве літары».
У Беларусі могуць увесці новыя аўтамабільныя нумары. Пакуль яшчэ запас ёсць, але розныя варыянты прапрацоўваюцца, піша «Спутнік».
«Мы ўжо на сённяшні дзень тэхнічна прапрацавалі гэты варыянт, каб увогуле была магчымасць адысці ад рэгіёнаў. Магчымы нават такі варыянт — гэта нумарны знак: дзве літары, тры лічбы і зноў дзве літары. Гэта значыць, колькасць элементаў нумарнога знака застанецца такой жа, але з выкарыстаннем літар. Гэта дазволіць нам мець больш… камбінацый», — расказаў начальнік галоўнага ўпраўлення ДАІ Віктар Ротчанкаў на прэс-канферэнцыі.
Аднак, паводле яго слоў, пакуль камбінацый хапае, а значыць, у найбліжэйшыя пяць гадоў пытанне аб адмове ад рэгіянальнай прыналежнасці аўто разглядацца не будзе.
Каментары