У Ашмянах хлопец расказаў жонцы пра сваю здраду. Той таксама было што расказаць — заведзена крыміналка
Адным з жнівеньскіх дзён 26-гадовы жыхар Ашмян, пражыўшы некалькі гадоў у шлюбе, прызнаўся жонцы ў здрадзе. У адказ дзяўчына таксама расказала пра сваю нявернасць — і пры гэтым у дэталях.
Шчырая гутарка і такі паварот падзей моцна закранулі мужчыну. Пасля некалькіх чарак ён вырашыў разабрацца з 34-гадовым сапернікам.
Прыехаўшы да яго, малады чалавек зайшоў у гараж і вырашыў спагнаць злосць на яго багатым аўтапарку.
Спачатку мужчына лапатай разбіў усе вокны ў Volkswagen Touareg, затым узяўся за Tesla — выбіў лабавое шкло і паспрабаваў разбіць панарамны дах.
Лапата не вытрымала, тады хлопец залез на дах машыны, у выніку чаго шкло таксама разбілася.
Завяршыў ён ударамі па матацыкле BMW — фару разбіў металічнай трубой. Дарэчы, фара была самым дарагім элементам.
Заведзена крымінальная справа.
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты15
Каментары