«Дзе людзі?» Як улады пакінулі гамельчукоў без Цэнтральнага пляжа на цэлае лета
Гомельскія ўлады фактычна пазбавілі ў гэтым купальным сезоне гараджан Цэнтральнага пляжа — любімага месца адпачынку. Усё лета, паводле сведчанняў мясцовых, галоўны пляж пуставаў — нават у спякоту. Прычынай стаў закрыты пешаходны мост праз Сож — асноўны шлях на пляж з цэнтра Гомеля, піша «Флагшток».
Рамонт прыйшоўся акурат на пляжны сезон, хаця раней планавалася, што работы завершацца ў сярэдзіне лета — да піку адпачынкаў і таго часу, калі вада ў Сожы прагрэецца.
Як паведамляў «Флагшток», спачатку меркавалася выканаць работы ў першай палове года. У змяненні да задання на праектаванне (кастрычнік 2024 г.) тэрміны пачатку і заканчэння будаўніцтва былі пазначаны як студзень—чэрвень 2025 года. У праекце пачатак работ значыўся ў лютым, заканчэнне — у ліпені.
Але потым тэрміны зрушылі, рамонт пачалі толькі ў маі, а завяршэнне прызначылі на лістапад.
Улады запусцілі новы аўтобусны маршрут да пляжа ад плошчы Леніна, але жадаючых дабірацца ў аб’езд і за грошы аказалася мала. Арганізавалі і рэйсы катэра ад прычала «Кіеўскі спуск» да другога берага па 2 рублі ў адзін бок. Аднак і гэты варыянт не стаў папулярным.
Самыя спякотныя дні лета ўжо прайшлі, але і ў тыя цёплыя дні, калі Цэнтральны пляж мог бы прыцягнуць сотні, ён заставаўся паўпустым.
Гэта пацвярджаюць многія відэа, якія паглядзеў «Флагшток» за чэрвень, ліпень і жнівень. Напрыклад, сонечным вечарам 11 ліпеня, калі тэмпература вады ў Сожы дасягала 24 градусы, пляж быў амаль пусты.
«Дзе людзі?» — спыталі ў каментарыях.
«Ідзе рамонт моста праз раку, і на пляж трэба з цэнтра пад’язджаць на машыне ці аўтобусе. Пляжаў у горадзе шмат. Відаць, людзі на іншых», — адказаў карыстальнік.
Апошнюю спякотную суботу, 16 жніўня, Цэнтральны пляж таксама заставаўся паўпустым, што відаць на адным з ролікаў.
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»5
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары
Установили заборы для бейсболистов, отняв территорию у отдыхающих. Теперь пляж в Бобруйске выглядит как зона в клетку! Людей нет вообще! Отдыхать не хочется как в вагоне для скота, да и негде!
Наша нива, сделайте репортаж об этом!
Бобруйские власти оборзели совсем!
Людям отдыхать негде!!!!
А помимо этого скамейки красно-зеленые!, везде висят эти флаги, поставили кабины для переодевания с надписью тракторный завод, всё вырви глаз и специально, чтоб людям навредить! Ручеек с водой все лето не работал! Ужас!
Выснова: няма ліха без дабра, няма такога ліха, каб празь яго некаму (тут рыбам) добра не было... :)
Прапанова: трымайце той мост закрытым яшчэ доўга-доўга...