Прэзідэнт Украіны Уладзімір Зяленскі прыбыў з візітам у Вашынгтон, дзе запланавана яго сустрэча з прэзідэнтам ЗША Дональдам Трампам. У перамовах таксама прымуць удзел еўрапейскія лідары.
У сваім паведамленні ў тэлеграм-канале Зяленскі падзякаваў Трампу за запрашэнне і падкрэсліў, што імкнецца як мага хутчэй скончыць вайну. Але, на яго думку, у першую чаргу спыніць яе павінна Расія.
«Мы ўсе аднолькава хочам хутка і надзейна скончыць гэтую вайну. І мір павінен быць працяглым. Не так, як гэта было гады таму, калі Украіну прымусілі аддаць Крым і частку нашага Усходу — частку Данбаса, а Пуцін выкарыстаў гэта проста як плацдарм для новага нападу. Ці калі Украіне далі нібыта «гарантыі бяспекі» ў 1994 годзе, але гэта не спрацавала», — напісаў Зяленскі.
«Расія павінна скончыць гэтую вайну, якую сама і пачала. І я спадзяюся, што наша сумесная сіла з Амерыкай, з нашымі еўрапейскімі сябрамі прымусіць Расію да сапраўднага міру. Дзякуй!» — дадаў украінскі лідар.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны14
Каментары
І калі б Зяленскі быў разумней, ён бы сыходзіў з таго, што яму трэба зрабіць так, каб Расея не хацела вайны - а для гэтага разабрацца з яе матывамі і дамовіцца.