Мірсалімава запатрабавала ад «Мінскай праўды» выбачыцца за паклёп Азаронка
Прарасійская актывістка з Віцебска накіравала ў дзяржаўнае выданне скаргу на публікацыю прапагандыста Рыгора Азаронка, дзе яе імя згадвалася ў абразлівым кантэксце, і запатрабавала апублікаваць абвяржэнне ды публічна выбачыцца перад ёй.
Свой ліст яна апублікавала на ўласным тэлеграм-канале, заўважыў канал «Витебск, я гуляю! | Новости Витебска»
Эльвіру Мірсалімаву не задаволіў артыкул «Азаронак пра здраду «справа»: як ворагі Саюзнай дзяржавы разбураюць Расію і Беларусь знутры», які быў апублікаваны на старонках прапагандысцкага выдання 12 жніўня.
Мірсалімаву, відаць, не задаволіла тое, што Азаронок прыпісаў ёй сувязі з YMCA, назваў яе сваякоў «змагарамі», абвінаваціў у працы на «заходніх гаспадароў», ва «ўціранні» ў расійскія структуры, напісанні скаргаў і нават у «навучанне ў секце».
«Аўтар Азаронок бездаказна і абразліва згадаў маё імя, чым нанёс мне асабістую абразу, ачарніў і дыскрэдытаваў у вачах грамадскасці з выкарыстаннем афіцыйнага СМІ. Усе сцвярджэнні адносна мяне з’яўляюцца ілжывымі і такімі, што ганьбяць маю рэпутацыю», — піша Мірсалімава.
Актывістка запатрабавала апублікаваць абвяржэнне гэтай інфармацыі і прынесці ёй публічныя прабачэнні.
Нагадаем, што ў сваёй калонцы ў «Мінскай праўдзе» Азаронак абвінаваціў у «здрадзе Саюзнай дзяржавы» шэраг прарасійскіх актывістаў у Беларусі. Пад яго крытыку трапілі: Эльвіра Мірсалімава, Міхаіл Юспа, Усевалад Шымаў, Сяргей Шыптэнка, Юрый Баранчык, Аляксандр Гронскі, Кірыл Авяр'янаў і Арцём Агафонаў. Прапагандыст заявіў, што ўсе яны «ўціраюцца ў давер» пад прарасійскімі лозунгамі, але нібыта працуюць на Захад.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары