«Не ныйце! Вазьміце нейкую работу на сябе». Франак Вячорка жорстка адказаў Кныровічу
Аляксандр Кныровіч абвінаваціў дэмсілы ў імітацыі, адсутнасці дыскусій і «каканізацыі» вакол Святланы Ціханоўскай, на што атрымаў адлуп ад Франака Вячоркі.
У каментары пад допісам Кныровіча на старонцы ў фэйсбуку дарадца Ціханоўскай заклікаў таго «не ныць» і самастойна браць адказнасць за працу.
«Дарагі Аляксандр, у вас неймаверны рэсурс, вялікая група падтрымкі, ваша фракцыя калісьці была вельмі актыўная.
Вы збіраліся і дыяспару яднаць, і запускаць механізмы самафінансавання, і зрабілі такую яркую выбарчую кампанію! Але цяпер вы марнуеце ўвесь свой рэсурс на ўнутраныя разборкі і не генеруеце ніякіх новых ідэй. Амаль уся ваша публічная дзейнасць цяпер зводзіцца да таго, каб паваяваць з Латушкам ці Ціханоўскай, кагосьці падкалоць, кагосьці адправіць у адстаўку.
Яшчэ абяцалі скінуць тыя знакамітыя 40 пытанняў/ідэй ад Пракоп'ева, так мы і не дачакаліся. Не ныйце. Проста вазьміце нейкую работу на сябе», — напісаў Вячорка.
Ён таксама нагадаў, што ў Кныровіча ёсць уласныя рэсурсы, каб нешта рабіць, але ён імі не карыстаецца належным чынам:
«Нават у вас асабіста ёсць інфармацыйныя каналы (развітыя за кошт таго ж самага замежнага фінансавання), выкарыстоўвайце іх для грамадскай мабілізацыі, для асветы, для аб'яднання прыхільнікаў перамен. Пазбаўляйцеся гэтага патэрналізму, што вось Святлана павінна ўсё вырашыць за вас».
Адказваючы на іншыя прэтэнзіі Кныровіча, агучаныя ў каментарах пад допісам, Франак Вячорка ўдакладніў, што марафон салідарнасці арганізоўвалі беларускія журналісты, але яны самі адмовіліся ад гэтай ідэі. Замест гэтага разам з народнымі пасольствамі правялі эстафету салідарнасці.
Што да фінансавання паездак, то дарадца Ціханоўскай адзначыў, што ў іх няма вялікіх сродкаў, таму звычайна дарогу аплачвае запрашаючы бок (напрыклад, універсітэт у ЗША), а беларускія бізнесмены, у тым ліку Пракоп'еў, робяць толькі невялікія ахвяраванні, хоць яны ўдзячныя і за гэта.
«Мы эканомім кожны цэнт», — заявіў Вячорка.
-
Дзядок — апазіцыянерам: Займаючыся дыскрэдытацыяй Офіса Ціханоўскай, вы льяце ваду на млын рэжыму
-
«Марзалюк — гэта наш зубр». Як праўладны гісторык нечакана стаў трэндам для зумераў у тыктоку
-
«Шатл-бас спачатку спыніўся, а потым пачаў павольна каціцца назад». Беларус, які стаў відавочцам аварыі ў Тайландзе, расказаў падрабязнасці
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары