У Індыі і Пакістане з-за моцных дажджоў і паводак загінулі больш за 300 чалавек
У рэгіёне Гімалаяў у Пакістане і Індыі з-за моцных дажджоў адбыліся паводкі і апоўзні, у выніку якіх загінулі не менш за 321 чалавек — толькі за апошнія 48 гадзін, піша Bild.
Улады паведамілі, што ратавальнікі працягваюць пошукі зніклых без вестак: «Сітуацыя жудасная. Мы спрабуем выратаваць, магчыма, некалькі дзясяткаў, а можа, і сотні людзей».
У Індыі ўжо ўдалося выратаваць каля 170 чалавек, многія з іх атрымалі сур’ёзныя траўмы і былі дастаўлены ў бальніцы.
«Целы ўсё яшчэ дастаюць з бруду», — паведаміў галоўны ўрач клінікі Юдхвір Котвал у раёне Кіштвар.
Цяперашні мусон у Паўднёвай Азіі лічыцца асабліва разбуральным: за ўвесь перыяд у Пакістане ўжо зафіксавана больш за 430 загінулых. На поўначы Індыі, па даных экспертаў, колькасць ападкаў перавысіла леташні ўзровень на 73%.
Метэаролагі працягваюць папярэджваць пра моцныя дажджы ў рэгіёне.
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»3
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары