Мадонна заклікала Папу Льва XIV прыехаць у Газу, пакуль не стала занадта позна
Амерыканская спявачка Мадонна заклікала Папу Льва XIV наведаць Газу і дапамагчы палесцінскім дзецям, пакуль не стала занадта позна. Свой зварот да пантыфіка яна размясціла ў інстаграме, падкрэсліўшы, што ён — адзіны, каму не можа быць адмоўлена ва ўездзе ў анклаў, піша Бі-бі-сі.
«Святы Айцец, калі ласка, адпраўляйцеся ў Газу і прынясіце сваё святло дзецям, пакуль не стала занадта позна», — напісала Мадонна.
«Як маці, я не магу глядзець на іх пакуты. Лёс дзяцей у гэтым свеце — справа кожнага. Вы — адзіны з нас, каму не могуць адмовіць ва ўездзе», — заявіла спявачка.
Раней Вялікабрытанія, ЕС, Аўстралія, Канада і Японія апублікавалі сумесную заяву, у якой гаворыцца, што на вачах усяго свету ў сектары разгортваецца голад, і запатрабавалі неадкладных крокаў для палягчэння дастаўкі гуманітарнай дапамогі ў Газу.
Ізраіль сутыкаецца з ростам міжнароднага ціску ў сувязі з гуманітарнай сітуацыяй у Газе. Аб яе маштабах вядома ў асноўным са слоў падкантрольных ХАМАС палесцінскіх структур і мясцовых журналістаў, некаторых з якіх Ізраіль таксама звязвае з ХАМАС. Ізраільскія ўлады адмаўляюць наяўнасць голаду ў сектары Газа і абвінавачваюць агенцтвы ААН у тым, што яны не забіраюць назапашаную на памежных пунктах гуманітарную дапамогу і не дастаўляюць яе далей.
Паводле некаторых дадных ізраільскіх крыніц, гаворка ідзе пра тоны грузаў. Аднак гуманітарныя агенцтвы ААН настойваюць, што сутыкаюцца з перашкодамі і затрымкамі пры зборы дапамогі з кантралюемых Ізраілем памежных зон.
«Нам трэба, каб гуманітарныя вароты былі цалкам адкрытыя, каб уратаваць гэтых нявінных дзяцей. Часу больш няма. Калі ласка, скажыце, што вы паедзеце. З любоўю, Мадонна», — гаворыцца ў звароце спявачкі да Папы.
У ліпені Папа Леў XIV зноў заклікаў да спынення агню ў сектары Газа пасля таго, як у выніку ізраільскага ўдару загінулі тры чалавекі, што хаваліся ў каталіцкай царкве ў горадзе Газа.
«Я заклікаю міжнародную супольнасць захоўваць гуманітарнае права і паважаць абавязак абараняць мірных жыхароў, а таксама забарону на калектыўнае пакаранне, неапраўданае ўжыванне сілы і прымусовае перамяшчэнне насельніцтва», — заявіў Папа (цытата паводле PA News). З самага пачатку вайны ў Газе Мадонна выступала са сцэны на сваіх канцэртах з эмацыянальнымі прамовамі ў падтрымку палесцінцаў.
Яна заклікала прыхільнікаў несці на Блізкі Усход «мір, святло і любоў» — як паасобку, так і разам.
«Я не паказваю пальцам, не вінавачу і не займаю нічыю бок. Усе пакутуюць. У тым ліку маці закладнікаў. Я малюся, каб і іх вызвалілі», — гаворыцца ў допісе Мадонны.
Каментары
как же глубоко эта раковая опухоль хамасовской пропаганды поразила мозги этим долб****м! омерзительно!!!
Чем скорее Израиль решит эту проблему, тем скорее эти "полезные идиоты" забудут о Газе.
А Вы нацисты и Вам гореть в Аду с подобными Вам.