У новым беларускім выдавецтве TAMAKA, якое хоча закрыць нішу візуальнага мастацтва, выйшла дэбютнае выданне
Выдавецтва плануе засяродзіцца на выданні кніг па выяўленчым мастацтве, фатаграфіі, дызайне і архітэктуры.
Новае беларускае незалежнае выдавецтва TAMAKA першай кнігай выпусціла дэбютны праект фотамастачкі Машы Святагор «Everybody Dance!», піша выданне «Белліт».
Мастацкі зборнік «Everybody Dance!» завяршае 7-гадовае падарожжа ў важны гістарычны перыяд, ствараючы ўнікальную візуальную мову, якая «аб’ядноўвае палітычную крытыку з ілюстрацыяй гістарычнага метаду фотамантажу», гаворыцца ў анатацыі да кнігі на сайце выдавецтва, дзе проста цяпер можна замовіць асобнік.
Балгарская даследчыца Мая Хрыстава дае аналіз «метаду Святагор», упісваючы яго ў шырэйшы кантэкст сучаснага мастацтва.
Кніга ёсць сукупнай крыніцай «калажнага перыяду» Машы Святагор — серыі работ, якія адначасова распрацоўваюць метад і даследуюць тэму. «Everybody Dance!» — не толькі сведчанне мастацкага бачання Святагор, але і моцнае разважанне пра чалавечы досвед у часы гістарычных узрушэнняў.
Кніга мае агульны наклад 500 асобнікаў, з якіх 100 — на беларускай мове, а 400 — на ангельскай.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары