U novym biełaruskim vydaviectvie TAMAKA, jakoje choča zakryć nišu vizualnaha mastactva, vyjšła debiutnaje vydańnie
Vydaviectva płanuje zasiarodzicca na vydańni knih pa vyjaŭlenčym mastactvie, fatahrafii, dyzajnie i architektury.
Novaje biełaruskaje niezaležnaje vydaviectva TAMAKA pieršaj knihaj vypuściła debiutny prajekt fotamastački Mašy Śviatahor «Everybody Dance!», piša vydańnie «Biellit».
Mastacki zbornik «Everybody Dance!» zaviaršaje 7-hadovaje padarožža ŭ važny histaryčny pieryjad, stvarajučy ŭnikalnuju vizualnuju movu, jakaja «abjadnoŭvaje palityčnuju krytyku ź ilustracyjaj histaryčnaha mietadu fotamantažu», havorycca ŭ anatacyi da knihi na sajcie vydaviectva, dzie prosta ciapier možna zamović asobnik.
Bałharskaja daśledčyca Maja Chrystava daje analiz «mietadu Śviatahor», upisvajučy jaho ŭ šyrejšy kantekst sučasnaha mastactva.
Kniha jość sukupnaj krynicaj «kałažnaha pieryjadu» Mašy Śviatahor — sieryi rabot, jakija adnačasova raspracoŭvajuć mietad i daśledujuć temu. «Everybody Dance!» — nie tolki śviedčańnie mastackaha bačańnia Śviatahor, ale i mocnaje razvažańnie pra čałaviečy dośvied u časy histaryčnych uzrušeńniaŭ.
Kniha maje ahulny nakład 500 asobnikaŭ, ź jakich 100 — na biełaruskaj movie, a 400 — na anhielskaj.
-
Pieravydali kazki ź ilustracyjami Valeryja Słavuka
-
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ
-
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary