Дэпартамент дзяржаўнай бяспекі Літвы: Расце рызыка затрымання літоўцаў у Беларусі
Пасля таго, як беларускі рэжым прызнаў ютуб-канал «Delfi Літва» экстрэмісцкім, павысілася рызыка затрымання літоўскіх грамадзян, якія наведваюць Беларусь, — паведамляе Дзяржаўны дэпартамент бяспекі Літвы (ДДБ).
«Беларускі рэжым актыўна выкарыстоўвае спісы экстрэмісцкіх і тэрарыстычных арганізацый, асоб і інтэрнэт‑рэсурсаў у барацьбе з палітычнымі апанентамі як унутры краіны, так і па-за яе межамі. ДГБ заклікае грамадзян Літвы ўстрымацца ад любых паездак у Беларусь і папярэджвае, што такія паездкі могуць прадстаўляць пагрозу іх бяспецы», — гаворыцца ў паведамленні.
У ліпені 2025 года рускамоўны YouTube‑канал «Delfi Літва» быў прызнаны беларускімі ўладамі экстрэмісцкім і ўключаны ў так званы спіс экстрэмісцкіх матэрыялаў.
У Беларусі маніторынг і наведванне інтэрнэт‑рэсурсаў, уключаных у гэты спіс, лічацца адміністрацыйным правапарушэннем, за якое можа быць прызначаны арышт тэрмінам да 15 сутак, нагадвае LRT.
ДДБ падкрэслівае, што ўключэнне канала ў спіс экстрэмісцкіх матэрыялаў павышае верагоднасць таго, што літоўскія грамадзяне, якія наведваюць Беларусь, могуць быць затрыманыя і падвергнуцца адміністрацыйнаму арыштам.
Таксама дэпартамент нагадвае, што ў мінулым ужо меліся выпадкі, калі беларускія сілавікі пры ўездзе літоўцаў у краіну правяралі іх электронныя прылады на прадмет наведвання забароненых рэсурсаў. У выпадку выяўлення такой інфармацыі грамадзяне падвяргаліся арыштам.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары