Departamient dziaržaŭnaj biaśpieki Litvy: Raście ryzyka zatrymańnia litoŭcaŭ u Biełarusi
Paśla taho, jak biełaruski režym pryznaŭ jutub-kanał «Delfi Litva» ekstremisckim, pavysiłasia ryzyka zatrymańnia litoŭskich hramadzian, jakija naviedvajuć Biełaruś, — paviedamlaje Dziaržaŭny departamient biaśpieki Litvy (DDB).
«Biełaruski režym aktyŭna vykarystoŭvaje śpisy ekstremisckich i terarystyčnych arhanizacyj, asob i internet‑resursaŭ u baraćbie z palityčnymi apanientami jak unutry krainy, tak i pa-za jaje miežami. DHB zaklikaje hramadzian Litvy ŭstrymacca ad lubych pajezdak u Biełaruś i papiaredžvaje, što takija pajezdki mohuć pradstaŭlać pahrozu ich biaśpiecy», — havorycca ŭ paviedamleńni.
U lipieni 2025 hoda ruskamoŭny YouTube‑kanał «Delfi Litva» byŭ pryznany biełaruskimi ŭładami ekstremisckim i ŭklučany ŭ tak zvany śpis ekstremisckich materyjałaŭ.
U Biełarusi manitorynh i naviedvańnie internet‑resursaŭ, uklučanych u hety śpis, ličacca administracyjnym pravaparušeńniem, za jakoje moža być pryznačany aryšt terminam da 15 sutak, nahadvaje LRT.
DDB padkreślivaje, što ŭklučeńnie kanała ŭ śpis ekstremisckich materyjałaŭ pavyšaje vierahodnaść taho, što litoŭskija hramadzianie, jakija naviedvajuć Biełaruś, mohuć być zatrymanyja i padvierhnucca administracyjnamu aryštam.
Taksama departamient nahadvaje, što ŭ minułym užo mielisia vypadki, kali biełaruskija siłaviki pry ŭjeździe litoŭcaŭ u krainu praviarali ich elektronnyja pryłady na pradmiet naviedvańnia zabaronienych resursaŭ. U vypadku vyjaŭleńnia takoj infarmacyi hramadzianie padviarhalisia aryštam.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»2828
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary