У Беларусь прыйшоў лясны кот — такога не бачылі амаль 100 гадоў
Звера зафіксавала відэапастка ў Жыткавіцкім раёне, паведаміў Нацпарк Прыпяцкі.
Апошні лясны кот быў забіты паляўнічым у Барысаўскім раёне ў 1927 годзе.
У 2017 годзе лясны кот вяртаўся ў Беларусь, але тады трапіў толькі на фота. Цяпер жа жывёлу ўдалося зафіксаваць на відэа.
На відэа кот важна чухаецца, нешта выграбае, пазіруе. Гэта дакладна не хатні варыянт: ён куды большы за хатняга ката, шэра-жоўтага колеру з малюнкам і выразнымі палосамі. Візуальна не заўважна і прыкмет гібрыдызацыі.
Еўрапейскі лясны кот адрозніваецца ад стэпавага ці большасцi хатніх парод больш буйным памерам (пад 35 см), доўгім густым футрам, кароткім тоўстым паласатым хвастом, нібы абрубленым на канцы. Корміцца прыблізна тым жа, што і лісы: грызуны, птушкі, рэптыліі, рыба, насякомыя, падаль.
Бліжэйшы арэал — украінскія Карпаты, але раней яго фіксавалі і ў Жытомірскай вобласці.
Цяпер чытаюць
Лукашэнка заклікаў жыхароў Гомельшчыны не хвалявацца з-за ўльтыматуму Зяленскага адносна рэтранслятараў57
Каментары