«Са студзеня Расія страціла 100 тысяч салдат. Забітымі. Не ўсяго, а забітымі»
Дзяржсакратар ЗША Марка Рубіа на прэс-канферэнцыі пасля сустрэчы з міністрам замежных спраў Расіі Сяргеем Лаўровым на форуме АСЕАН у малайзійскім Куала-Лумпуры назваў каласальную лічбу расійскіх страт, нібыта панесеных толькі за апошнія паўгода.
«Са студзеня Расія страціла 100 тысяч салдат. Забітымі. Не ўсяго, а забітымі. Ва ўкраінскага боку страты меншыя, але таксама вельмі значныя», — заявіў Марка Рубіа.
Ён заявіў таксама, што прэзідэнт ЗША Дональд Трамп не любіць вайны і лічыць, што гэта толькі пустое марнаванне грошай і чалавечых жыццяў.
«Ён зробіць усё, што ў ягоных сілах, каб пакласці канец гэтай вайне і любой іншай, калі ў яго з'явіцца такая магчымасць. Як вы ўжо бачылі раней, ён будзе працягваць працаваць у гэтым кірунку. Мы разумеем, што такія рэчы патрабуюць часу і цярпення. Але, вядома, мы таксама адчуваем расчараванне з-за недастатковага прагрэсу.
Спадзяемся, што сённяшнія падзеі і найбліжэйшыя дні праясняць, якая дакладная пазіцыя і прыярытэты Расіі ў гэтым пытанні, і мы зможам пачаць рухацца наперад», — адзначыў Марка Рубіа.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары