Музыка55

Озі Осбарн развітаўся з фанатамі на апошнім канцэрце ў Бірмінгеме

У Бірмінгеме адбыўся гістарычны канцэрт — апошняе выступленне Озі Осбарна і Black Sabbath. 76-гадовы легендарны франтмен, які пакутуе на хваробу Паркінсона, узначаліў шоу Back to the Beginning перад 40 тысячамі гледачоў на стадыёне Villa Park.

Скрын відэа

Культавы франтмен Black Sabbath Озі Осбарн правёў развітальны канцэрт у сваім родным Бірмінгеме, на сцэне стадыёна Villa Park. Гэта было не проста выступленне — гэта была падзея, якой чакалі прыхільнікі з усяго свету. Як падкрэсліваў сам Осбарн перад канцэртам, для яго было надзвычай важна выйсці на сцэну апошні раз менавіта там, дзе пачыналася яго жыццё і кар’ера.

Канцэрт прайшоў у межах фестывалю Back to the Beginning, і квіткі былі распрададзены менш чым за паўгадзіны. З-за шалёнага попыту арганізатары вырашылі правесці анлайн-трансляцыю — хоць і з дзвюхгадзіннай затрымкай, але гэта дазволіла тысячам фанатаў па ўсім свеце стаць часткай гістарычнага моманту.

Выступленне стала сапраўдным святам для аматараў хэві-металу. Акрамя сольных песень Озбарна, на сцэну падняліся ўсе арыгінальныя ўдзельнікі Black Sabbath — упершыню за 20 гадоў. Гэта было развітанне з эпохай — з эмоцыямі, успамінамі і словамі падзякі.

Озі выступіў, седзячы на чорным троне. Ён пляскаў у далоні, махаў рукамі і глядзеў на гледачоў сваімі фірмовымі «вар’яцкімі» вачыма — усё, як у лепшыя гады.

«Вы нават не ўяўляеце, што я цяпер адчуваю. Дзякуй вам ад усяго сэрца», — звярнуўся ён да публікі.

На сцэне таксама выступілі Metallica, Guns N' Roses, Slayer, Роні Вуд з The Rolling Stones, Стывен Тайлер з Aerosmith і іншыя рок-легенды. 

Пляцоўка ператварылася ў мора футболак Black Sabbath. 

Пры ўсіх праблемах са здароўем і ўзростам, Озі ўсё яшчэ здолеў уразіць фанатаў — яго голас, хоць і нестабільны, заставаўся магутным. Гэта была сапраўдная развітальная феерыя ад аднаго з самых яскравых герояў хэві-металу.

Каментары5

  • Хаха три раза
    06.07.2025
    Прощай, легенда((
    Только что смотрел Mama, I’m Coming Home со вчерашнего концерта и плакал вместе с присутствующими зрителями.
  • %
    06.07.2025
    Мой улюбенец, і мая самая улюбеная група (Black Sabbath). Здароўя вам хлопцы і асабіста Озі. Будзем слухаць вашы несмяротныя альбомы
  • 123
    06.07.2025
    Гэта цуда што яшчэ дажыу́ Оззі да 76 год улічваючы такі лад жыцця ( нарката, алкаголь, бойкі)

Цяпер чытаюць

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Усе навіны →
Усе навіны

У Беларусі восем немаўлят да года наведваюць дзіцячы сад1

Як глабальная змена клімату адаб’ецца на Беларусі? Не зусім так, як мы ўяўляем12

Мінчанка расказала, дзе пазнаёміцца з перспектыўнымі хлопцамі ў сталіцы14

Ціханоўскі насмажыў катлет на фестывалі «Тутака»45

Наколькі дакладна можна прадказаць надвор'е на месяц? І чаму дагэтуль не папярэджваюць пра тарнада за дзень?5

З'явіцца новая дзяржава — Новая Каледонія3

Заробак 73 рублі? На заводзе патлумачылі, адкуль у іх такія вакансіі

Француз пераехаў з Ніцы ў Мінск і адкрыў пякарню12

У Мінску купілі дом за 3 мільёны даляраў. Ён у тым раёне, дзе жыве Эйсмант1

больш чытаных навін
больш лайканых навін

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа7

Сенатар Грэм анансаваў рэкордныя пастаўкі зброі Украіне пасля заўтрашняй заявы Трампа

Галоўнае
Усе навіны →

Заўвага:

 

 

 

 

Закрыць Паведаміць