Украінскія беспілотнікі ўдарылі па заводзе ў Іжэўску, дзе вырабляюць «Торы». Ёсць забітыя і параненыя
Дроны атакавалі прадпрыемства ў Іжэўску, гэта прыкладна 1300 км ад Украіны. Ёсць пацярпелыя.
«Адно з прадпрыемстваў папала пад атаку беспілотнікаў, ёсць пацярпелыя», — паведаміў кіраўнік Удмуртыі Аляксандр Брэчалаў.
У сацсетках жыхары Іжэўска пішуць пра серыю гучных выбухаў у раёне Іжэўскага электрамеханічнага завода «Купал». Гэты завод вырабляе зенітна-ракетныя комплексы «Тор» і іншае абсталяванне для расійскай арміі.
Крыніца тэлеграм-канала MNS, на які спасылаецца RTVi, паведаміла пра чатырох загінулых і 17 пацярпелых падчас удару. Афіцыйныя расійскія СМІ паведамляюць пра траіх забітых і 20 параненых.
Гэта не першы раз, калі ўкраінскі беспілотнік дасягнуў Іжэўска. Упершыню пра гэта паведамлялі 17 лістапада 2024 года. Тады таксама быў нанесены ўдар па заводзе «Купал».
Іжэўск — сталіцы Удмуртыі, у якой каланісты ператварылі карэннае насельніцтва ў меншасць. Там размешчаныя знакаміты канцэрн «Калашнікаў», прадпрыемства «Іжэўскія беспілотныя сістэмы» ды іншыя заводы ВПК.
Каментары