Колькі каштуе праехаць у Польшчу без чаргі, калі выезду чакае больш за 2400 машын
Цягам тыдня на выезд з Беларусі ў Польшчу стабільна стаіць больш за 2000 легкавікоў. З ростам чаргі павялічваюцца і стаўкі на пазачарговы праезд.
У Польшчу на аўто можна трапіць ужо толькі ў ліпені
Па стане на 16 гадзін пятніцы, выезду з Беларусі ў Польшчу чакаюць 2420 легкавікоў. Тыя, хто сёння заняў месца ў электроннай чарзе, змогуць трапіць у Польшчу не раней, чым праз 5 сутак.
Карыстальнік аднаго з прыгранічных чатаў адсправаздачыўся, што стаў у чаргу 2055-м і заехаць у пункт пропуску яго запрасілі праз 4 сутак і 12 гадзін.
Чалавек, які зарэгістраваўся ў чарзе днём 22 чэрвеня, у Польшчу трапіў толькі ноччу 27 чэрвеня. І гэта была 1998-я пазіцыя ў электроннай чарзе.
З улікам таго, што цяпер у чарзе больш за 2400 машын, трапіць у Польшчу можна будзе прыблізна праз 130 гадзін — гэта каля 5,5 сутак. То бок ужо ў ліпені.
«Прыярытэтныя» пасажыры ў дапамогу
Некаторыя пасажыры маюць права на пазачарговы ўезд у аўтадарожныя пункты пропуску. Да такіх адносяцца інваліды I групы, асобы з дзецьмі ва ўзросце да 3 гадоў або дзецьмі-інвалідамі да 18 гадоў, а таксама некаторыя іншыя катэгорыі. З поўным спісам можна азнаёміцца па спасылцы. Гэтым правілам карыстаюцца тыя, хто хоча праехаць хутчэй.
Калі чарга адносна невялікая, можна знайсці «прыярытэтнага» пасажыра, які за 100 даляраў або еўра падсядзе да вас у аўто і пераедзе праз мяжу.
Але цяпер, калі чакаць заезду трэба 4—5 дзён, стаўкі выраслі. За пазачарговы праезд просяць ужо 200 еўра. За такія грошы мяжу гатова перасекчы, напрыклад, маці з дзіцём (не ўдакладняецца, з дзіцём да трох гадоў ці з інваліднасцю).
Жанчына выглядае дасведчанай: ведае, колькі займае праходжанне мяжы, і агучвае суму за свае паслугі яшчэ да таго, як ты паспяваеш спытаць.
Пры гэтым варта адзначыць, што цяпер знайсці такога пасажыра даволі складана. На запыт аб пошуку ў адказ прыходзіць больш паведамленняў ад тых, хто таксама шукае магчымасць выехаць без чаргі, чым ад саміх «прыярытэтных» пасажыраў.
Людзі, якія часта карыстаюцца такімі паслугамі, расказалі, што многія ўжо маюць па 2—3 кантакты такіх людзей і загадзя браніруюць іх для паездкі ў Польшчу.
Адметна, што падобныя пасажыры звычайна зарабляюць і на зваротным шляху — калі перавозяць тавар або проста «прадаюць» свае кілаграмы іншым, каб тыя маглі аформіць тавар на іх.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары