Вашынгтон на працягу двух тыдняў вырашыць, як далей дзейнічаць у сітуацыі з Іранам. Пра гэта паведаміў прэзідэнт ЗША Дональд Трамп у заяве, агучанай ягонай прэс-службай на брыфінгу ў Белым доме. Трансляцыя ішла праз канал Fox News.
Дональд Трамп патлумачыў, што такі тэрмін вызначаны таму, што нібыта існуе рэальная магчымасць пачатку перамоў. Хто можа на іх стаць пасярэднікам, у Белым доме пакуль не паведамляюць.
На пытанне, ці хоча Трамп змены ўлады ў Іране, ягоная прэс-сакратарка Кэралайн Лівіт адзначыла, што галоўная мэта прэзідэнта — не дапусціць з’яўлення ў Ірана ядзернай зброі. Яна таксама дадала, што Трамп аддае перавагу дыпламатыі, але не выключае выкарыстання сілы, калі гэта будзе неабходна.
Па словах Лівіт, у Ірана ўжо ёсць тэхнічныя магчымасці для стварэння ядзернай зброі, і пытанне цяпер толькі ў палітычным рашэнні. Калі вярхоўны лідар Ірана Алі Хаменеі прыме рашэнне, Іран можа атрымаць ядзерную зброю ўжо праз некалькі тыдняў. Трамп упэўнены, што ніводная краіна, у тым ліку Расія, не зацікаўлена ў такім развіцці падзей.
Раней інфармагенцтва Reuters паведамляла, што прадстаўнік ЗША Стыў Уіткаф меў тэлефонныя размовы з кіраўніком МЗС Ірана Абасам Аракчы пасля ізраільскіх удараў па Іране.
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць5
Колькі беларусаў атрымалі польскае грамадзянства за апошні час. Лічбы ўражваюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары
24 гадзіны два тыдні 100 дзён ..
Я гэта казал?? Так? Я іраінізавал