З аўкцыёна зноў прадаюць гатэль каля стадыёна «Дынама», які так і не запрацаваў
Пяць ізаляваных памяшканняў у будынку шматфункцыянальнага гасцінічнага комплексу Centropol у Мінску выстаўлены на таргі. Лот з’явіўся ў Адзінай сістэме электронных таргоў.
У якасці прадаўца пазначаны Белаграпрамбанк. Таргі па адзіным лоце запланаваныя на 12 чэрвеня, піша Office Life.
За пяць памяшканняў просяць 19 583 910,23 рубля, або прыблізна $6,5 млн. Крок таргоў — каля 980 рублёў, а задатак — 195,8 тыс. рублёў, або больш за $65 тыс.
Яны размешчаны ў 11-павярховым будынку 2020 года пабудовы на 6—10 паверхах. Агульная плошча — 3 153,5 квадратаў. У арэнду не здадзены, унутранае аздабленне адсутнічае.
У студзені гэтыя пяць памяшканняў плошчай ад 450 да 682 кв. м ужо выстаўлялі на продаж на пляцоўцы «БелЮрЗабеспячэнне». Тады за іх паасобку прасілі ад 2,3 да 3,4 млн рублёў, або ад $671 тыс. да $1 млн. Паведамлялася, што нерухомасць прадавалі за даўгі замежнага будаўнічага прадпрыемства «Гермес Канстракшн». Пустуючыя памяшканні, дзе павінен быў размяшчацца гатэль, належаць кампаніі «Дзі-бізнес Салюшнз Лімітэд».
У 2012 годзе стала вядома, што кампанія «Дзі-бізнес Салюшнз Лімітэд» узвядзе 12-павярховы гатэль Amara на 214 нумароў. Адкрыць гатэль планавалі да Чэмпіянату свету па хакеі ў Мінску, які праходзіў у 2014 годзе. Праз некалькі гадоў новы інвестар (кампанія «Гермес Канстракшн») змяніў функцыянальнае прызначэнне ўчастка і замест гатэля ўзвёў на Свярдлова шматфункцыянальны комплекс.
-
Беларус пасля смерці жонкі застаўся адзін з дзецьмі. Іх у яго 12, але ён добра дае рады
-
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы
-
Яшчэ каля 400 гектараў зямлі на Гомельшчыне больш не лічацца радыеактыўнымі
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію80
Каментары