Прэм’ер-міністр Індыі Нарэндра Модзі адкрыў Чынабскі чыгуначны мост, які злучае Кашмірскую даліну з астатняй часткай краіны. Пра гэта сам палітык паведаміў у сацсетцы X.
Мост мае даўжыню 1,3 кіламетра і знаходзіцца на вышыні 359 метраў над узроўнем мора — гэта робіць яго самым высокім чыгуначным мостам у свеце. Цэнтральны пралёт моста складае 467 метраў. Аркавая канструкцыя будавалася некалькі дзясяткаў гадоў, праект запатрабаваў інвестыцый у памеры 160 мільёнаў даляраў.
Нарэндра Модзі адзначыў, што Індыя ганарыцца здольнасцю будаваць сучасную інфраструктуру нават у самых складаных умовах, і гэты праект — яркае таму пацвярджэнне.
Чакаецца, што новы мост значна палепшыць транспартную сувязь паміж гарадамі Джаму і Срынагар, што будзе спрыяць развіццю ў рэгіёне гандлю і турызму.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай37
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары