Льдзінкі памерам з чарэшню, а то і сліву. Учора ў Мінску выпаў першы летні град
Як і папярэджвалі сіноптыкі, увечары 5 чэрвеня на Мінск абрынулася магутная залева, якая суправаджалася моцным ветрам і навальніцай. За кароткі час вуліцы горада аказаліся затопленыя. Таксама жыхарам сталіцы асабліва запомніўся першы ў гэтым годзе летні град, піша Onliner.by.
Паводле паведамленняў відавочцаў, ледзяшы дасягалі ўнушальных памераў. На фота відаць, што асобныя градзіны мелі дыяметр з буйную вішню або нават сліву.
Іншы чытач распавёў, што ў гарадскім пасёлку Праўдзінскі прайшла магутная залева з велізарным градам. Градзіны памерам з мячык для настольнага тэніса пабілі цяпліцы, агароды, у некаторых — нават шкло.
Паводле інфармацыі Белгідрамета, у Мінску выпала ад 18 да 36 мм ападкаў. Для параўнання, месячная норма складае 79 мм, гэта значыць, у некаторых раёнах за некалькі гадзін выпала амаль палова гэтай нормы.
Больш за ўсё пацярпеў раён вуліцы Шаранговіча, дзе выпала максімальная колькасць ападкаў — 36 мм. Ва Уруччы зафіксавана 27 мм.
Стыхія закранула і іншыя гарады. Так, у Гродне паводле даных метэаролагаў зафіксавана 10 мм ападкаў.
Дарэчы, сёння ўсё можа паўтарыцца. 6 чэрвеня ў Беларусі абвешчаны аранжавы ўзровень небяспекі. Днём чакаюцца навальніцы, моцныя залеы, шквалісты вецер і магчымы град. Надвор’е будзе воблачным з праясненнямі, на большай частцы краіны пройдуць кароткачасовыя дажджы. У асобных раёнах пры навальніцах магчымыя залевы і град.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары