Ldzinki pamieram z čarešniu, a to i ślivu. Učora ŭ Minsku vypaŭ pieršy letni hrad
Jak i papiaredžvali sinoptyki, uviečary 5 červienia na Minsk abrynułasia mahutnaja zaleva, jakaja supravadžałasia mocnym vietram i navalnicaj. Za karotki čas vulicy horada akazalisia zatoplenyja. Taksama žycharam stalicy asabliva zapomniŭsia pieršy ŭ hetym hodzie letni hrad, piša Onliner.by.
Pavodle paviedamleńniaŭ vidavočcaŭ, ledziašy dasiahali ŭnušalnych pamieraŭ. Na fota vidać, što asobnyja hradziny mieli dyjamietr z bujnuju višniu abo navat ślivu.
Inšy čytač raspavioŭ, što ŭ haradskim pasiołku Praŭdzinski prajšła mahutnaja zaleva ź vielizarnym hradam. Hradziny pamieram ź miačyk dla nastolnaha tenisa pabili ciaplicy, aharody, u niekatorych — navat škło.
Pavodle infarmacyi Biełhidramieta, u Minsku vypała ad 18 da 36 mm apadkaŭ. Dla paraŭnańnia, miesiačnaja norma składaje 79 mm, heta značyć, u niekatorych rajonach za niekalki hadzin vypała amal pałova hetaj normy.
Bolš za ŭsio paciarpieŭ rajon vulicy Šaranhoviča, dzie vypała maksimalnaja kolkaść apadkaŭ — 36 mm. Va Uruččy zafiksavana 27 mm.
Stychija zakranuła i inšyja harady. Tak, u Hrodnie pavodle danych mietearołahaŭ zafiksavana 10 mm apadkaŭ.
Darečy, siońnia ŭsio moža paŭtarycca. 6 červienia ŭ Biełarusi abvieščany aranžavy ŭzrovień niebiaśpieki. Dniom čakajucca navalnicy, mocnyja zaley, škvalisty viecier i mahčymy hrad. Nadvorje budzie vobłačnym z prajaśnieńniami, na bolšaj častcy krainy projduć karotkačasovyja daždžy. U asobnych rajonach pry navalnicach mahčymyja zalevy i hrad.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB20
Kamientary