Свет3333

У Польшчы параўналі мігрантаў з Беларусі і Украіны: адных аднеслі да «прагрэсіўных», другіх — да «кансерватыўных»

Прадстаўнікі Уроцлаўскага ўніверсітэта правялі даследаванне патрэб і пажаданняў мігрантаў з Беларусі і Украіны і выявілі істотныя адрозненні паміж імі. 

Даследаванне праводзілася ў 2022—2023 гадах, але апублікавалі яго ў сетцы ўсяго некалькі тыдняў таму, заўважыла «Салідарнасць».

Уроцлаў — сталіцу Ніжняй Сілезіі — называюць горадам з інтэнсіўным прытокам мігрантаў. Сярод іх праз колькасць вылучаюцца ўкраінцы і беларусы.

Грамадзян Украіны ва Уроцлаве на канец 2021 года пражывала 60—80 тысяч чалавек, пасля пачатку поўнамаштабнай ваеннай агрэсіі Расіі — іх колькасць узрасла да 250 тысяч. Гэта значыць, што кожны трэці жыхар Уроцлава цяпер — украінец.

Другой, паводле колькасці, «але, відаць, мала заўважнай нацыянальнасцю», як пішуць даследчыкі, з’яўляюцца беларусы. У мінулым годзе іх колькасць у Ніжняй Сілезіі ацэньвалася амаль у 10 тысяч чалавек.

У 2022—2023 гадах украінцаў і беларусаў апытвалі наконт іх чаканняў і патрабаванняў у дачыненні да горада і яго жыхароў, каб зразумець іх гатоўнасць узяць на сябе ролю «гараджаніна».

Даследчыкі апыталі каля 900 чалавек: у розных месцах Уроцлава распаўсюджваліся папяровыя анкеты, праводзілася апытанне ў групах дыяспар у сацсетках. З апытаных 352 рэспандэнты з Беларусі (175) і Украіны (177) заявілі пра сваю гатоўнасць застацца ва Уроцлаве.

Чым адрозніваюцца мігранты з Беларусі і Украіны?

Паводле вынікаў апытанняў, аўтары даследавання адзначаюць, што для прадстаўнікоў абедзвюх дыяспар важна, каб Уроцлаў быў экалагічным горадам. Але ў многіх іншых пытаннях іх чаканні «ўсё ж адрозніваюцца».

Украінцы часцей выказваюць неабходнасць руху да «мультыкультурнага мегаполіса», у той час як беларусы выступаюць за развіццё Уроцлава як «мыслячага горада».

Украінскія мігранты часцей выказваюць пажаданне павышэння даступнасці арэндных кватэр, што прапануюцца гарадскімі ўладамі, і спецыяльных прапаноў для мігрантаў у розных сферах.

Мігранты з Беларусі часцей чакаюць развіцця горада і яго грамадскага транспарту, пашырэння ўдзелу ў прыняцці рашэнняў адносна таго, што тут адбываецца (ёсць жаданне галасаваць па гарадскім бюджэце). Яны таксама выказваюць гатоўнасць падпарадкоўвацца больш жорсткім абмежаванням дзеля паляпшэння стану навакольнага асяроддзя ў горадзе.

«Выяўленыя адрозненні сведчаць пра ступень інтэграцыі ў мясцовую супольнасць», — адзначаюць даследчыкі.

Украінцы больш чакаюць разумення культурных адрозненняў і наяўнасці шматмоўных надпісаў у грамадскіх месцах. Беларусы — прыняцця мігрантаў як суседзяў.

Аўтары даследавання таксама адзначаюць, што апытаныя мігранты з Беларусі прынялі рашэнне пра эміграцыю «пераважна з эканамічных прычын», таму рэалізавалі загадзя складзены план міграцыі, у тым ліку адносна працы.

«У сваім бачанні горада і вызначэнні ўласнай ролі ў ім яны хутчэй прагрэсіўныя, чым кансерватыўныя — яны часцей фармулююць чаканні, што сведчаць пра прызнанне неабходнасці развіцця горада, зручнага для жыцця, як з пункту гледжання інфраструктуры, так і эканомікі, і грамадства», — пішуць прадстаўнікі Уроцлаўскага ўніверсітэта.

На іх думку, мігрантаў з Украіны можна ахарактарызаваць як больш кансерватыўных, чым прагрэсіўных. Для іх Уроцлаў — перш за ўсё месца прытулку ад вайны і горад, адкрыты для замежнікаў, які дае магчымасці для працы і адукацыі.

Шмат хто з апытаных украінцаў чакае ад уладаў сацыяльнай падтрымкі, атрымання асаблівых правоў. Пры гэтым яны застаюцца гатовымі да сацыяльнага ўдзелу, але такога, што адбываецца ў блізкай прасторы (у жылым раёне або сярод сяброў сваёй этнічнай супольнасці).

У даследаванні адзначаецца, што атрыманыя партрэты мігрантаў даюць магчымасць зрабіць выснову пра іх гатоўнасць «узяць на сябе ролю грамадзяніна горада».

Каментары33

  • Каваленка
    25.05.2025
    Маглі б развіваць Беларусь, калі б пазбавіліся маскальскай акупацыі і іх халуёў. Замест гэтага сталі суверэнамі.
  • huh?
    25.05.2025
    [Рэд. выдалена]
  • Мх
    25.05.2025
    Украінцы хочуць захаваць сваю мову, сваю адметнасць хоць дзесці, а беларусы як тут да расейскай мовы прызвычайваліся, так і там да польскай мовы прызвычайваюцца. Нацыя прыстасаванцаў, нажаль.

Цяпер чытаюць

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам26

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Усе навіны →
Усе навіны

«Гэта як ВІЧ у людзей». Беларуска выратавала бяздомнага ката і спрабуе вылечыць яго ў Польшчы ад цяжкай хваробы5

У абыход санкцый. «Белавія» рыхтуецца лётаць на самалётах Airbus1

Франак Вячорка пра пашпарт новай Беларусі: Пашпартны цэнтр будзе раскіданы па розных краінах. А пры Кавалеўскім праект не рухаўся38

У цэнтры Гродна вырас ананас3

У Заслаўі да Дажынак зачышчаюць гістарычную забудову, якую бралася ахоўваць дзяржава8

Былога кіраўніка «фабрыкі троляў» Прыгожына ў Расіі прысудзілі да 10 гадоў калоніі строгага рэжыму

«Цяпер зброя вайны — клавіятура». Брытанія выдаткуе 1 мільярд фунтаў на мадэрнізацыю кібервойскаў1

Што ўяўляе сабой база даных, якую сілавікі называюць «узломам «Новай Беларусі»12

«У жыцці кожнага бывае апатыя». Кацярыну Казнадзей знайшлі10

больш чытаных навін
больш лайканых навін

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам26

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Галоўнае
Усе навіны →

Заўвага:

 

 

 

 

Закрыць Паведаміць