Навукоўцы высветлілі, чаму ў Ціхім акіяне вымерлі мільярды марскіх зорак
Навукоўцы нарэшце высветлілі прычыну масавай гібелі марскіх зорак у Ціхім акіяне, якая пачалася яшчэ ў 2013 годзе. За гэтыя гады знікла каля 5 мільярдаў асобін, а асабліва моцна пацярпелі віды ўздоўж узбярэжжа Паўночнай Амерыкі, піша Associated Press.
Самая вялікая страта назіралася сярод марской зоркі-сланечніка — буйнога віду з 24 шчупальцамі і дыяметрам да метра. Ужо за першыя пяць гадоў з пачатку эпідэміі колькасць гэтага віду скарацілася на 90%.
Спачатку лічылася, што хваробу выклікае вірус, але дзякуючы дзесяцігадовым даследаванням стала вядома, што сапраўднай прычынай з’яўляецца бактэрыя Vibrio pectenicida. Яна б'е па ўнутраных органах марскіх зорак, прыводзячы да таго, што іх шчупальцы адгніваюць, пасля чаго яны гінуць.
Цяпер навукоўцы правяраюць, ці могуць некаторыя папуляцыі мець прыроджаны імунітэт да гэтага, а таксама ці дапамогуць прабіётыкі павысіць устойлівасць гэтых жывёл да хваробы. Акрамя таго, плануецца разводзіць марскіх зорак у няволі і вяртаць іх у месцы, дзе яны зніклі.
Марскія зоркі адыгрываюць важную ролю ў акіянскіх экасістэмах: яны ядуць марскіх вожыкаў і тым самым стрымліваюць іх празмернае распаўсюджванне, што асабліва важна для балансу падводнага жыцця.
Ад Антарктыды адкалоўся велізарны айсберг. Навукоўцаў уразіла, што аказалася пад ім
Зеландыя: кантынент, які амаль цалкам схаваны пад вадою
Навукоўцы знайшлі незвычайныя формы жыцця ў самых глыбінях акіяна. Раней думалі, што там увогуле ніхто не жыве
Навукоўцы занепакоеныя: запасы прэснай вады на Зямлі скарачаюцца, а ўзровень акіяну расце
Анжаліка Мельнікава пасля знікнення набыла дзве кватэры ў Мінску90
Каментары
распачаць, ✂; зак.
Актыўна прыступіць да ажыццяўлення чаго-н.; узяцца за якую-н. справу.
Р. будаўніцтва.
Пачаць карыстацца чым-н.
>паражае ўнутраныя органы ---- пашкоджвае