У Барысаве паспрабавалі адрадзіць дыскатэкі для моладзі. Але не па кані корм
У Барысаве паспрабавалі аднавіць традыцыю моладзевых дыскатэк, правёўшы першую такую вечарыну ў гарадскім парку. Арганізатары спадзяваліся на зацікаўленасць, бо даўней такія мерапрыемствы былі вельмі папулярныя. Аднак чаканні не апраўдаліся, піша Ex-press.live.
Хоць моладзі ў парку было шмат, на танцпляцоўцы амаль ніхто не танцаваў, нават пры ўваходзе ўсяго за 5 рублёў.
Мясцовы тыктокер Пашка Блогер выказаў меркаванне, што першая дыскатэка мусіла быць бясплатнай, каб зацікавіць людзей і вярнуць атмасферу мінулых гадоў.
У сеціве пасля таго разгарэлася дыскусія. Адныя настальгуюць па часах, калі моладзь масава гуляла і танцавала ў парку, а іншыя лічаць, што цяпер моладзь зацікаўленая зусім у іншым.
Некаторыя каментатары скардзяцца на кепскі стан пляцоўкі: пабіты асфальт, старое абсталяванне, адсутнасць падсвятлення. Іншыя лічаць, што цяпер патрэбныя новыя фарматы адпачынку — бары, кавярні, анлайн-пляцоўкі, бо сучасная моладзь жыве іншымі інтарэсамі.
Арганізатары пакуль не давалі публічных каментароў пра вынікі дыскатэкі.
«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку
У Барысаве прапанавалі правесці дыскатэку ў навушніках. Ці гатовыя гараджане танцаваць у цішыні?
Праўладная блогерка з Барысава папрасіла падпісчыкаў падзяліцца праблемнымі пытаннямі. І ёй іх накідалі
Лукашэнка дазволіў ахоўнікам надглядаць наведвальнікаў начных клубаў
Каментары