У Зэльвенскім раёне начальнік прасіў прабачэння пасля роліка ў TikTok
Мясцовая жыхарка зняла, як недалёка ад вёскі Клепачы Зэльвенскага раёна палілі пустыя ёмістасці ад ядахімікатаў без належнага кантролю. Яна была абураная такім шкодным спосабам утылізацыі і выклала відэа ў тыктоку, дзе яго паглядзелі амаль 300 тысяч чалавек, заўважыла выданне «Першы».
Людзі ў каментарах выказвалі незадаволенасць, адзначалі, што ніхто не сачыў за тым, як гарэлі каністры.
Пасля гэтага ў раёне ўзнік вялікі рэзананс і справа дайшла да мясцовага начальства. Кіраўнік раённай інспекцыі аховы прыроды Генадзь Чыгрын пацвердзіў факт і сказаў, што шкодныя рэчывы трапілі ў паветра, што адмоўна паўплывала на навакольнае асяроддзе.
Акрамя таго, чыноўнік паведаміў, што каністры павінны былі сабраць і перадаць спецыялізаваным арганізацыям для паўторнага выкарыстання, а на месцы падпалу цяпер усё прыбралі.
Супраць супрацоўнікаў сельскагаспадарчай арганізацыі «Міжэрычы» і кампаніі «Біяком» за парушэнне заканадаўства аб утылізацыі адходаў распачалі адміністрацыйную справу. Ім пагражаюць штрафы — да 1260 рублёў для асобных службовых асоб і да 42 тысяч для арганізацыі.
Асабістыя прабачэнні прынёс дырэктар філіяла «Міжэрычы» ў кампаніі «Біяком» Дзмітрый Дарашкевіч. Ён паабяцаў, што ў будучыні такія выпадкі не паўторацца і што сітуацыя будзе знаходзіцца пад ягоным асабістым кантролем.
У Барысаве паспрабавалі адрадзіць дыскатэкі для моладзі. Але не па кані корм
Драгічынская раёнка выпусціла кампліментарнае відэа пра ўпарадкаванне горада. У каментарах раскрылі і іншы бок
З тыктока знік відэаролік са зваротам бацькоў дашкольнікаў да Лукашэнкі. Як выглядае, нічога яны не дабіліся
Дзяўчыну запісалі ў дармаеды. Яна адказала, што не будзе працаваць, бо жаніх забяспечвае
Дзяўчына зняла на відэа густы белы дым над Мінскам. Што гэта было?
Каментары