Паводле інфармацыі аднаго з тэлеграм-каналаў, блізкага да сілавых структур, Дзядку збіраюцца інкрымінаваць арт. 130 ч. 3 Крымінальнага кодэкса — за распальванне расавай, нацыянальнай, рэлігійнай ці іншай сацыяльнай варожасці.
У паведамленні сцвярджаецца, што Дзядок нібыта прызнаў сваю ролю ў стварэнні і кіраванні анархісцкімі інтэрнэт-рэсурсамі.
Затрымалі Міколу Дзядка 11 лістапада 2020 года. 10 лістапада 2021 года Мінскі гарадскі суд прыгаварыў анархіста да 5 гадоў калоніі. Яго прызналі вінаватым па трох артыкулах: заклікі да дзеянняў супраць нацбяспекі Беларусі (частка 3 артыкула 361 КК), удзел у грубым парушэнні парадку (частка 1 артыкула 342 КК) і незаконныя дзеянні ў дачыненні да гаручых рэчываў (Частка 1 артыкула 295-3).
Сёлета 4 красавіка ён павінен быў выйсці на волю, але замест гэтага быў пераведзены ў СІЗА №1 у межах новай крымінальнай справы па артыкуле 411 — за «злоснае непадпарадкаванне патрабаванням адміністрацыі калоніі».
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары