Грамадства33

«Сядзіць у адзіночцы, вучыць нямецкую і арабскую». З'явіліся навіны пра палітвязня Міколу Дзядка

Актывіст анархісцкага руху Мікалай Дзядок адбывае свой 5-гадовы тэрмін зняволення ў гродзенскай турме № 1, куды яго перавялі больш за год таму з калоніі № 9 у Горках. У якіх умовах знаходзіцца Мікалай Дзядок, напісала «Радыё Свабода» на падставе сведчання дасведчанай у ягоных справах крыніцы.

Мікола Дзядок

«Сядзіць у адзіночнай камеры. На прагулкі выводзяць рэгулярна, на гэта не скардзіцца. Са здароўем ёсць праблемы — страўнік, галаўныя болі. Але спрабуе з імі разабрацца. Чарговую медычную бандэроль для яго прынялі без праблем. На харчаванне таксама не наракае», — расказала крыніца.

Мікалай Дзядок мае два дыпломы аб вышэйшай адукацыі, ведае англійскую мову, на якой вучыўся ва ўніверсітэце ў Коўне. Паводле крыніцы, палітвязень на гэтым вырашыў не спыняцца і ўвесь вольны час прысвячае самаадукацыі.

«Цяпер ён самастойна вучыць нямецкую і арабскую мовы, не забывае і пра англійскую. Сярод кніг, якія яму ўдаецца замаўляць, у асноўным слоўнікі, даведнікі, падручнікі. Арабская мова для яго не проста хобі, але і прафесійны занятак, бо ягоная дыпломная праца ў ЕГУ прысвячалася паліталагічным праблемам на арабскім Блізкім Усходзе. Калі Мікалай бываў у Ізраілі і Іарданіі, дык кантактаваў з арабамі на іх роднай мове. Цяпер, пэўна, ягоныя веды арабскай сталі яшчэ большымі», — мяркуе крыніца.

Паводле суразмоўцы, Мікалай Дзядок мае магчымасць тэлефанаваць сваякам, ад яго даходзяць лісты, хоць і не так часта, як раней з калоніі. Таксама Дзядка наведвае адвакат.

Мікалая Дзядка арыштавалі ў лістападзе 2020 году ў Асіповічах, дзе ён часова жыў і вёў блог, у якім асвятляў падзеі пасля прэзідэнцкіх выбараў. Улетку 2021 года Мікалая Дзядка асудзілі на 5 гадоў зняволення, прызнаўшы вінаватым у падрыхтоўцы дзеянняў, якія груба парушаюць грамадскі парадак, і яшчэ ў двух злачынствах. 

Каментары3

  • Аятала
    17.11.2023
    у ХАМАС збiраецца?
    • Рой
      17.11.2023
      Аятала, так па чорнаму зайздросціш? Цябе туды і без ведання мовы возьмуць. Гарматнае мяса заўсёды патрэбнае.
  • гоблен
    17.11.2023
    Хороший парень, мужественный!
    П. С. Девочки, не ругайтесь

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

Беларусаў з жэнеўскімі пашпартамі не пусцілі ў Варшаве на самалёт у Малдову7

Шведскае тэлебачанне атрымала здымкі, якія паказваюць развіццё ядзернай базы ў Асіповічах і ў Калінінградзе5

Як ПВТ пачуваецца ў 2025 годзе: айцішнікаў і грошай больш, але да аднаўлення яшчэ далёка

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць