«Карацей, псеўдаветэраны». «Войска НКВД». Тыкток паставіў дыягназ парадам
Святкаванне 80-годдзя перамогі ў Другой сусветнай вайне ў Беларусі адбылося з вялікім размахам. Аднак людзі ў сацыяльных сетках масава крытыкуюць і мэты такога святкавання, і фальш, якім яно суправаджаецца.
На канале навін Мінскай вобласці размясцілі ролік з інфармацыяй аб тым, што ў сталіцы засталося 278 ветэранаў. Інфармацыя суправаджаецца відэа пажылых людзей. У каментарыях гледачы імкнуцца падлічыць узрост ветэранаў.
Найбольшая колькасць лайкаў набрала заўвагу: «Каму ў 1941 г. было 18 гадоў, цяпер павінна быць 102 гады. Якія ветэраны».
«Тых, хто рэальна ваяваў, ужо даўно няма», — лічаць іншыя.
«Мой бацька — франтавік, які прайшоў усю Другую сусветную. Дзякаваць богу, не дажыў да таго, што тыя істоты, якія нарадзіліся праз дзясяткі гадоў, гарлапаняць», — абураецца адзін з гледачоў роліка.
Аналагічныя рэакцыі суправаджаюць і сюжэт у тыктоку навін Брэсцкай вобласці.
«Ветэраны, гэта каму 98-і вышэй…» — гэты каментарый набраў звыш 1100 лайкаў.
«Сапраўдным ветэранам павінна быць мінімум 90 гадоў і тое ім у вайну было б 15 гадоў», — дзеліцца падлікамі іншы.
Некаторыя адкрыта выказваюць сумненне, што ветэраны на відэа рэальныя:
«Калі што, так званым ветэранам зараз павінна быць 103 гады (калі ўлічыць што яны пайшлі на фронт у 41 годзе). А там сядзяць ветэраны, якім з нацяжкай 90. Карацей, псеўдаветэраны»,
«Несапраўдных з іх колькі? Сапраўдныя ўжо ўсе памерлі», «не засталося іх ужо нідзе… адзінкі можа…гэта ўжо проста несапраўдныя…»
«То-бок, атрымліваецца, палова ветэранаў гэта войска НКВД. Якія з кулямётаў забівалі адыходзячых і адпраўлялі ў лагар збеглых і вызваленых з палону», — удакладняе адзін з гледачоў.
Людзі не хаваюць раздражнення:
«Можа хопіць, ужо хутка будзе мода на тых, хто нарадзіўся падчас Другой Сусветнай вайны. У святле апошніх падзей, у людзей складваецца ўражанне, што фашыстаў перамагла дзятва 10 — 15 гадоў».
«Пра якіх ветэранаў ідзе гаворка? Ветэран працы ці тылавік? Пра каго менавіта гаворка ідзе? Праз 10 гадоў зноў будзе тое самае?»,
«Якія ветэраны? Мой дзед памёр 30 гадоў таму, што тут за ветэраны?», «а ці засталіся сапраўдныя ветэраны??? Каля ста гадоў жывуць адзінкі..…», — задаюцца пытаннямі гледачы тыкток канала belarusnovosti.
«Я нешта не разумею, святкуюць 80 гадоў перамогі, і некаторым ветэранам па 80 — 90 гадоў»,
«наогул ветэранаў практычна не засталося. А тыя хто на парадзе, прыдуманыя для галачкі. Тут не патрэбна вышэйшая матэматыка або шмат розуму каб палічыць»,— піша чалавек.
«Сапраўдныя ветэраны даўно ў зямлі ляжаць, як мой дзед, які памёр у 1967. А гэта «ветэраны» НКВД-КДБ-ФСБ па барацьбе са сваім народам», — лічыць яшчэ адзін.
«Наша Нiва» — бастыён беларушчыны
ПАДТРЫМАЦЬЦяпер чытаюць
Андрэй Швед, архітэктар рэпрэсій, прызначаны старшынёй Вярхоўнага суда20
Каментары
[Зрэдагавана]
Твой слуга
Яська-гаспадар з-пад Вільні»