«Karaciej, psieŭdavieterany». «Vojska NKVD». Tyktok pastaviŭ dyjahnaz paradam
Śviatkavańnie 80-hodździa pieramohi ŭ Druhoj suśvietnaj vajnie ŭ Biełarusi adbyłosia ź vialikim razmacham. Adnak ludzi ŭ sacyjalnych sietkach masava krytykujuć i mety takoha śviatkavańnia, i falš, jakim jano supravadžajecca.
Na kanale navin Minskaj vobłaści raźmiaścili rolik ź infarmacyjaj ab tym, što ŭ stalicy zastałosia 278 vieteranaŭ. Infarmacyja supravadžajecca videa pažyłych ludziej. U kamientaryjach hledačy imknucca padličyć uzrost vieteranaŭ.
Najbolšaja kolkaść łajkaŭ nabrała zaŭvahu: «Kamu ŭ 1941 h. było 18 hadoŭ, ciapier pavinna być 102 hady. Jakija vieterany».
«Tych, chto realna vajavaŭ, užo daŭno niama», — ličać inšyja.
«Moj baćka — frantavik, jaki prajšoŭ usiu Druhuju suśvietnuju. Dziakavać bohu, nie dažyŭ da taho, što tyja istoty, jakija naradzilisia praź dziasiatki hadoŭ, harłapaniać», — aburajecca adzin z hledačoŭ rolika.
Anałahičnyja reakcyi supravadžajuć i siužet u tyktoku navin Bresckaj vobłaści.
«Vieterany, heta kamu 98-i vyšej…» — hety kamientaryj nabraŭ zvyš 1100 łajkaŭ.
«Sapraŭdnym vieteranam pavinna być minimum 90 hadoŭ i toje im u vajnu było b 15 hadoŭ», — dzielicca padlikami inšy.
Niekatoryja adkryta vykazvajuć sumnieńnie, što vieterany na videa realnyja:
«Kali što, tak zvanym vieteranam zaraz pavinna być 103 hady (kali ŭličyć što jany pajšli na front u 41 hodzie). A tam siadziać vieterany, jakim z naciažkaj 90. Karaciej, psieŭdavieterany»,
«Niesapraŭdnych ź ich kolki? Sapraŭdnyja ŭžo ŭsie pamierli», «nie zastałosia ich užo nidzie… adzinki moža…heta ŭžo prosta niesapraŭdnyja…»
«To-bok, atrymlivajecca, pałova vieteranaŭ heta vojska NKVD. Jakija z kulamiotaŭ zabivali adychodziačych i adpraŭlali ŭ łahar źbiehłych i vyzvalenych z pałonu», — udakładniaje adzin z hledačoŭ.
Ludzi nie chavajuć razdražnieńnia:
«Moža chopić, užo chutka budzie moda na tych, chto naradziŭsia padčas Druhoj Suśvietnaj vajny. U śviatle apošnich padziej, u ludziej składvajecca ŭražańnie, što fašystaŭ pieramahła dziatva 10 — 15 hadoŭ».
«Pra jakich vieteranaŭ idzie havorka? Vieteran pracy ci tyłavik? Pra kaho mienavita havorka idzie? Praz 10 hadoŭ znoŭ budzie toje samaje?»,
«Jakija vieterany? Moj dzied pamior 30 hadoŭ tamu, što tut za vieterany?», «a ci zastalisia sapraŭdnyja vieterany??? Kala sta hadoŭ žyvuć adzinki..…», — zadajucca pytańniami hledačy tyktok kanała belarusnovosti.
«Ja niešta nie razumieju, śviatkujuć 80 hadoŭ pieramohi, i niekatorym vieteranam pa 80 — 90 hadoŭ»,
«naohuł vieteranaŭ praktyčna nie zastałosia. A tyja chto na paradzie, prydumanyja dla hałački. Tut nie patrebna vyšejšaja matematyka abo šmat rozumu kab paličyć»,— piša čałaviek.
«Sapraŭdnyja vieterany daŭno ŭ ziamli lažać, jak moj dzied, jaki pamior u 1967. A heta «vieterany» NKVD-KDB-FSB pa baraćbie sa svaim narodam», — ličyć jašče adzin.
«Naša Niva» — bastyjon biełaruščyny
PADTRYMAĆCiapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik14
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary
[Zredahavana]
Tvoj słuha
Jaśka-haspadar z-pad Vilni»