У адной з мінскіх крам заўважылі чаргу па шакаладныя яйкі-кіндарамі з цацкай па 1,5 рубля. Журналіст выдання Telegraf.news паглядзеў, колькі цяпер каштуе гэты тавар у інтэрнэт-крамах.
Кіндары па 1,5 рубля прапанавалі ва ўніверсаме «Цэнтральны». У прыватнасці, з такой зніжкай прадаюць шакаладнае яйка Kinder Joy з цацкай (20 грамаў).
«Пішуць, што кіндара ў засеках шмат!» — паведаміў блогер Какабай.
«І за сябе, і за іншых скупляюць. Малайцы», — пракаментавала сторыс пра гэтую чаргу ў інстаграм-акаўнце Какабая адна карыстальніца.
Для параўнання: у інтэрнэт-краме Edostavka 20-грамовае яйка Kinder Joy прадаюць за 7,52 рубля. Гэта значыць, у «Цэнтральным» прадаюць у пяць разоў танней.
У інтэрнэт-краме сеткі Green гэты ж тавар каштуе крыху танней — 6,28 рубля. Але ўсё адно гэта ў чатыры разы даражэй, чым ва ўніверсаме «Цэнтральны» цяпер.
А ў інтэрнэт-краме «Гіпа» за Kinder Joy папрасілі 5,68 рубля.
Чаму гэтым разам у краме знізілі цану на кіндары, пакуль невядома. Аднак можна меркаваць, што прычына можа быць такая самая, як падчас падобнага распродажу ў сакавіку. Тады яйкі-кіндары прадавалі за 1 рубель. І неўзабаве выявілася, што рэч у хуткім заканчэнні тэрміну прыдатнасці яек — 29 сакавіка. Таму іх і распрадавалі як мага хутчэй.
Кіндар-сюрпрызы, якія прадаюцца ў Беларусі, зробленыя ў Расіі.
Праз санкцыі супраць Беларусі і Расіі ў 2022 годзе многія заходнія кампаніі сышлі з рынку або абмежавалі пастаўкі. Аднак Ferrero, якая вырабляе шакаладныя яйкі, працягвае працу ў Расіі, таму прадукцыя з тых заводаў пастаўляецца і ў Беларусь.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары