«Абсалютны хаос». Камала Харыс раскрытыкавала Трампа ў першай прамове пасля паразы на выбарах
Экс-віцэ-прэзідэнт ЗША і суперніца Дональда Трампа на выбарах 2024 года ў сваёй першай пасля паражэння вялікай публічнай прамове абрынулася з крытыкай на Дональда Трампа і яго адміністрацыю за іх безразважную палітыку, якая пагражае краіне цэнзурай і рэцэсіяй. Яе выступ супаў з адзнакай у 100 дзён прэзідэнцтва Трампа, піша Бі-бі-сі.
У прыватнасці, яна заявіла, што тарыфная палітыка Трампа з'яўляецца «вялікім рукатворным эканамічным крызісам у сучаснай гісторыі амерыканскага прэзідэнцтва».
«Некаторыя людзі апісваюць тое, што адбывалася апошнія месяцы, як абсалютны хаос. І, вядома, я разумею чаму. Гэта, безумоўна, тычыцца гэтых тарыфаў. Тарыфаў, якія — як я і прадказвала — відавочна запрашаюць рэцэсію», — сказала Харыс.
Яна вітала амерыканцаў, якія адкрыта выступаюць супраць гэтай палітыкі, якая, паводле яе слоў, павялічыць паўсядзённыя выдаткі грамадзян, паўплывае на пенсіённыя рахункі і малы бізнес. Першае выступленне Харыс пасля паражэння на выбарах прайшло ў Сан-Францыска на гала-мерапрыемстве арганізацыі Emerge America, якая дапамагае жанчынам будаваць палітычную кар’еру і балатавацца на выбарах.
Камала Харыс гаварыла не толькі пра эканамічную павестку Трампа, яна назвала ўсю яго прэзідэнцкую праграму «вузкім, эгаістычным бачаннем Амерыкі, дзе яны [каманда Трампа] караюць тых, хто кажа праўду, падтрымліваюць лаялістаў, нажываюцца на сваёй уладзе і пакідаюць усіх астатніх на волю лёсу».
Яна папярэдзіла, што калі сістэма стрымак і проціваг у ўрадзе разваліцца, краіна сутыкнецца з канстытуцыйным крызісам.
«Гэта крызіс, які ўрэшце закране ўсіх, бо гэта будзе азначаць, што правілы, якія абараняюць нашы асноўныя правы і свабоды, якія гарантуць кожнаму з нас права голасу ў тым, як працуе наша ўрад, больш не будуць мець значэння», — сказала экс-віцэ-прэзідэнт.
Пасля таго, як дэмакратычная адміністрацыя пакінула Белы дом, Камала Харыс рэдка з’яўлялася на публіцы. Паводле яе слоў, на прамову ў Сан-Францыска яе натхнілі амерыканцы, якія смела супрацьстаялі дзеянням Трампа з пачатку яго другога тэрміну, і суддзі, што працягваюць падтрымліваць вяршэнства закона ў краіне.
«Магчыма, сітуацыя стане яшчэ горшай, перш чым пачне паляпшацца. Але мы да гэтага гатовыя», — сказала Харыс у завяршэнне сваёй прамовы.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1818
Каментары
я ни разу не фанат квазидиктатора трампа, но США это хоть и проблемная и уберкоррумпированная, но пока ещё демократия.
так что я бы порекомендовал ей и её кукловодами всё же начать с рассматривания себя в зеркало.