Расійскі беспілотнік ударыў па шматкватэрным доме ў Херсоне за пяць хвілін да пачатку пуцінскага перамір'я
У выніку ўдару ў доме загарэліся як мінімум пяць кватэр. Інфармацыя пра пацярпелых цяпер удакладняецца.
Пра ўдар па жылым будынку ў Херсоне паведаміла ў тэлеграм-канале дарадца кіраўніка Офіса прэзідэнта Украіны Дар'я Зарыўна.
«Расія атакавала жылы дом у Херсоне, «перамір'е Пуціна», — напісала яна.
Неўзабаве відэа наступстваў удару апублікаваў кіраўнік Офіса прэзідэнта Украіны Андрэй Ярмак.
Мясцовыя тэлеграм-каналы пішуць, што апошнія ўдары былі нанесеныя ў 17:55 — гэта значыць за 5 хвілін да абвешчанага Пуціным перамір'я.
Тым часам кіраўнік Цэнтра супрацьдзеяння дэзынфармацыі Рады нацыянальнай бяспекі і абароны Украіны Андрэй Каваленка паведаміў, што расійскія войскі працягваюць весці агонь на ўсіх кірунках, нягледзячы на заяўленае перамір'е. Паводле яго, найбольшая колькасьць нападаў адбываецца на ўсходзе.
Таксама і ўкраінскі ваенкар Андрэй Цапліенка са спасылкай на вайскоўцаў заявіў, што на Харкаўскім кірунку агонь не вядзецца, але абстрэлы ідуць у Данецкай вобласці.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары