Rasijski bieśpiłotnik udaryŭ pa šmatkvaternym domie ŭ Chiersonie za piać chvilin da pačatku pucinskaha pieramirja
U vyniku ŭdaru ŭ domie zaharelisia jak minimum piać kvater. Infarmacyja pra paciarpiełych ciapier udakładniajecca.
Pra ŭdar pa žyłym budynku ŭ Chiersonie paviedamiła ŭ telehram-kanale daradca kiraŭnika Ofisa prezidenta Ukrainy Darja Zaryŭna.
«Rasija atakavała žyły dom u Chiersonie, «pieramirje Pucina», — napisała jana.
Nieŭzabavie videa nastupstvaŭ udaru apublikavaŭ kiraŭnik Ofisa prezidenta Ukrainy Andrej Jarmak.
Miascovyja telehram-kanały pišuć, što apošnija ŭdary byli naniesienyja ŭ 17:55 — heta značyć za 5 chvilin da abvieščanaha Pucinym pieramirja.
Tym časam kiraŭnik Centra supraćdziejańnia dezynfarmacyi Rady nacyjanalnaj biaśpieki i abarony Ukrainy Andrej Kavalenka paviedamiŭ, što rasijskija vojski praciahvajuć vieści ahoń na ŭsich kirunkach, niahledziačy na zajaŭlenaje pieramirje. Pavodle jaho, najbolšaja kolkaść napadaŭ adbyvajecca na ŭschodzie.
Taksama i ŭkrainski vajenkar Andrej Caplijenka sa spasyłkaj na vajskoŭcaŭ zajaviŭ, što na Charkaŭskim kirunku ahoń nie viadziecca, ale abstreły iduć u Danieckaj vobłaści.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami7
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary