МЗС Украіны пра пуцінскае перамір'е: Будзем глядзець на дзеянні, а не на словы
Міністр замежных спраў Украіны Андрэй Сібіга, каментуючы велікоднае перамір'е, нібыта сёння абвешчанае прэзідэнтам Расіі Уладзімірам Пуціным, нагадаў, што пазіцыя Украіны застаецца выразнай: яшчэ 11 сакавіка яна пагадзілася на поўнае часовае спыненне агню на 30 дзён, але расійская адмова ад гэтага працягваецца ўжо 39 дзён.
Андрэй Сібіга. Фота: AP Photo/Efrem Lukatsky
«Цяпер Пуцін зрабіў заявы пра нібыта гатоўнасць да спынення агню. 30 гадзін замест 30 дзён. На жаль, у нас ёсць значны вопыт, калі ягоныя заявы не супадалі з ягонымі дзеяннямі. Мы ведаем, што ягоным словам нельга верыць, і будзем глядзець на дзеянні, а не на словы», — заявіў Андрэй Сібіга.
Каментары