«Жылбуд дом мог пабудаваць». Караеў абурыўся занадта крутым КПП на вучэннях пад Гроднам
Кіраўнік Гродзенскага аблвыканкама Юрый Караеў раскрытыкаваў кантрольна-прапускныя пункты, якія занадта якасна абсталявалі на вучэннях тэрытарыяльнай абароны пад Гроднам. «Навошта гэта?» — не зразумеў Караеў.
Звяртаючыся да старшыняў райвыканкамаў, Караеў назваў пабачаны КПП «няправільным».
«Паважаныя старшыні, гэта няправільны кантрольна-прапускны пункт. «Жылбуд» адзін дом мог бы пабудаваць!» — сказаў Караеў, паказваючы на збудаванне з бетонных блокаў. Відэа апублікаваў канал «Пул 4 Рэгіён».
«Што з гэтым будзе потым?» — запытаў Караеў. Яму адказалі, што збудаванне будзе «забірацца, разбірацца» адразу пасля заканчэння вучэнняў.
«Колькі затрат! На каго іх пакласці? Прывезлі, паставілі. Навошта гэта? «Мікрараён «Паўночны бераг» тут вы закапалі», — сказаў ён.
«Гэта занадта крута. Трэба прасцей, танней і не так затратна рабіць», — дадаў ён.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары
куда замохнулся, слишком много на себе берет
куда ж смотрит восток?
нужно ему задуматся
вдруг перехватит штурвал)