Расія пачала перакідаць у Крым паўночнакарэйскія цяжкія артылерыйскія ўстаноўкі «Каксан», што можа быць прадвеснікам адпраўкі на паўвостраў войскаў КНДР, паведамляе The Moscow Times.
Нямецкае выданне ZDF звярнула ўвагу на відэа, якое з'явілася ў сеціве яшчэ 26 сакавіка, на якім артылерыю перавозяць па чыгунцы ў паўночнай частцы Крыма.
Да гэтага часу паўночнакарэйскія войскі ўдзельнічалі ў баявых дзеяннях на баку Расіі толькі ў Курскай вобласці. Але, як адзначае ZDF, пасля ліквідацыі плацдарма УСУ на расійскай тэрыторыі Масква можа хутка разгарнуць вайсковы кантынгент з КНДР у Крыме.
Пры гэтым пагрозу могуць уяўляць і асобна ўстаноўкі «Каксан». Гэтыя 170-мм гарматы маюць радыус паражэння да 40 км, але пры выкарыстанні ракетных снарадаў здольныя страляць на адлегласць да 60 км. Яны адыгралі важную ролю ў контрнаступленні Расіі ў Курскай вобласці.
Узброеным сілам Украіны удалося знішчыць пяць установак «Каксан» з дапамогай беспілотнікаў, Аднак Пхеньян мог перадаць Маскве каля 200 такіх гармат. Калі расійская армія размесціць гэтыя гарматы на поўдні Украіны, то не выключана, што з іх будуць абстрэльваць Херсон і Запарожжа, піша ZDF.
Упершыню пра адпраўку вайскоўцаў КНДР у Расію для ўдзелу ў вайне супраць Украіны стала вядома восенню 2024 года. Першапачаткова Пхеньян паслаў на вайну 11 тысяч салдат. Паводле ацэнкі паўднёвакарэйскай выведкі, каля 4 тысяч з іх былі забітыя або параненыя.
У студзені і лютым гэтага года Паўночная Карэя перакінула ў Расію яшчэ каля 3 тысяч вайскоўцаў, каб папоўніць страты, паведамляў Аб'яднаны камітэт начальнікаў штабоў Паўднёвай Карэі. Разам з войскамі Пхеньян адправіў «значную колькасць» балістычных ракет малой далёкасці, 170-міліметровыя самаходныя гаўбіцы і каля 220 адзінак 240-міліметровых рэактыўных сістэм залпавага агню.
Буданаў: Паўночная Карэя пастаўляе 50% расійскіх боепрыпасаў
Паўночнакарэйскія ракеты, якія выкарыстоўвае Расія, сталі больш якаснымі
Зяленскі апублікаваў новае відэа з палонным паўночнакарэйскім вайскоўцам
Вайсковы білет, знойдзены ў палоннага паўночнакарэйца, выпісаны на рэальнага тувінца
З'яўленне паўночнакарэйскіх войскаў ва Украіне — крок да Трэцяй сусветнай?
Нашто Кіму лезці ва Украіну і чаму за гэтым можа стаяць Кітай?
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары
Але што ёсьць то ёсць.
Мець хаўрус з паўночнай карэяй
Істотна лепей чым з ЗША