У «Мінск-Свеце» пабачылі дзіўную жывёлу: мінчукі спрачаюцца, хто гэта можа быць
Мінчанка пад нікам Karina_Top_G апублікавала відэа, на якім па «Мінск-Свеце» бегае нязвыклая для горада жывёла: звярок, мяркуючы па ўсім, людзей не баіцца і актыўна скача насустрач з незразумелымі намерамі. У каментарах разгарэліся спрэчкі, што гэта за звер. Але не толькі пра гэта, піша CityDog.
«Бабры ў «Мінск-Свеце». Нападаюць без папярэджання, вось і пераязджай у элітны раён!» — жартам падпісала беларуска відэа, якое набрала ўжо больш за 380 000 праглядаў і сабрала амаль тысячу каментароў.
Watch on TikTok
Пад відэа некалькі сотняў каментароў, дзе людзі варожаць, хто ж гэта. Меркаванні падзяліліся.
«Гэта андатры: побач рэчка, калі пачыналася будоўля, іх было там шмат, а зараз па няволі ім даводзіцца выходзіць».
«Гэта пацук. Яны не любяць назойлівасці — могуць і ўкусіць. Скачуць яны вельмі высока, да твару дастануць. Вы там асцярожней. У бабра хвост шырокі і плоскі».
«Гэта маленькая нутрыя! Яны калі палохаюцца, тады і скачуць! Моцна не кусаюць».
«Гэта пясец».
Мяркуючы па форме цела і хваста, хутчэй за ўсё, невядомы звер сапраўды нутрыя.
Але не менш дыскусій у каментарах выклікала нават не жывёла, а «элітарнасць» раёна.
«Я можа не ў тым Мінску жыву, з якога часу «Мінск-Свет» элітны?».
«Элітнасць у Мінску — гэта Дразды і Пераможцаў каля Драздоў. А астатняе — гэта для смертных».
«У Мінску няма элітных раёнаў. Уся эліта даўно за горадам».
«Ды калі ўжо вы запомніце, «Мінск-Свет» — гэта не элітны раён, а эксперыментальны».
«Элітны раён, які развальваецца? Смешна», — пішуць у каментарах.
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары