Расійскага коміка затрымалі ў Беларусі за жарты пра ўдзельнікаў СВА. Беларускія сілавікі павесілі на коміка мясарубку
ГУБАЗіК паведаміў пра затрыманне 17 сакавіка ў Беларусі коміка Арцемія Астаніна. Днямі ў Расіі супраць яго завялі крымінальную справу за жарты. Беларускія сілавікі прычапілі на затрыманага стэндапера мясарубку — такія падарункі атрымалі расійскія маці загінулых ва Украіне, а комік пра гэта распавёў на канцэрце.
На коміка Арцемія Астаніна завялі крымінальную справу за жарт пра мужчыну без ног, які «падарваўся на міне».
Паводле расійскага СК, на канцэрце Астанін «выказваў негатыўныя і абразлівыя каментары на адрас удзельніка спецыяльнай ваеннай аперацыі». Справа расследуецца па артыкуле аб узбуджэнні нянавісці.
Крыміналку супраць коміка завялі, імаверна, праз жарт, у якім Астанін распавядае, як у пераходзе метро ён сутыкнуўся з мужчынам, які страціў ногі. Комік не згадвае вайну, але кажа, што мужчына без ног «на міне падарваўся».
Відэа ўжо выдалена з ютуба. Увагу на яго звярнулі ўвагу z-актывісты, якія абвінавацілі Астаніна ў глумленні «над інвалідам, які, магчыма, страціў свае ногі ў зоне спецаперацыі».
Сам комік заявіў, што пажартаваў пра «жабрака ў метро, які катаецца без ног на скейце ўжо гадоў як 20». «Пра СВА там няма ні слова», — сказаў ён.
Беларускія сілавікі напісалі сёння, што Астаніна затрымалі ў Мінску і ўжо перадалі яго расіянам. Магчыма, мужчына хацеў збегчы з Расіі праз Беларусь.
Беларускія сілавікі прычапілі на затрыманага стэндапера мясарубку. Арцемій Астанін жартаваў пра адзін з расійскіх рэгіёнаў, дзе маці загінулых акупантаў Украіны атрымалі ў падарунак мясарубкі. Але насамрэч, такая гісторыя сапраўды была. У Мурманскай вобласці «Адзіная Расія» падарыла маці загінулых удзельнікаў вайны мясарубкі — у партыі сцвярджаюць, што жанчыны самі пра гэта папрасілі.
Цяпер чытаюць
Дзевяць чалавек памерлі ў Брэсце і Мінску — усім ім уводзілі адныя і тыя ж лекі. У прэпараце знайшлі бактэрыі3
Каментары
а ці дурань - пэўна, так