Здароўе99

У дзіцячай паліклініцы Кобрына растлумачылі, чаму неўролаг працуе толькі дзве гадзіны на дзень

Пасля хвалі абмеркавання ў інтэрнэце дзіўнага працоўнага графіка неўролага, кіраўніцтва кобрынскай дзіцячай паліклінікі пракаментавала сітуацыю.

Людміла Кулік. Скрыншот відэа ў тыктоку

Трапіць да неўролага ў дзіцячай паліклініцы ў Кобрыне сапраўдны квэст. Доктарка Ганна Радзевіч вядзе прыём у панядзелак, сераду, чацвер з 8:00 да 9:55, а ў аўторак з 9:00 да 12:51.

Адна з абураных жыхарак горада зняла відэа і выклала яго ў тыкток. Усяго за пяць дзён відэа набрала 1,4 мільёна праглядаў.

На сітуацыю адрэагавала кіраўніцтва той самай паліклінікі. У тыктоку з’явіўся адказ Людмілы Кулік, загадчыцы філіяла «Дзіцячая паліклініка» Кобрынскай цэнтральнай раённай бальніцы.

— Аўтарка відэа не перадае тую працу, якую выконвае дадзены спецыяліст. Доктарка-неўролаг працуе ў нас з 2017 года, яна зарэкамендавала сябе як добрасумленны, адказны супрацоўнік. Гэта было адзначана адміністрацыяй. Гэта адзначаюць і каментатары пад відэа.

Людміла Кулік кажа, што летась у студзені доктарку Ганну Радзевіч павысілі, яна стала намесніцай загадчыцы. Але, каб не сыходзіць са сваёй прафесіі, неўролаг вырашыла застацца працаваць на чвэрць стаўкі.

Watch on TikTok

Адшукаць новага неўролага спрабавалі, але без асаблівага поспеху.

— За гэты перыяд новых дактароў, маладых спецыялістаў да нас не размяркоўвалі. Хацелася б растлумачыць, што пры размеркаванні маладога спецыяліста ён да нас адразу не прыходзіць. Мы можам яго ўбачыць у лепшым выпадку праз год пасля праходжання інтэрнатуры на абласным узроўні.

Скончыць зварот Людміла Кулік спрабуе на пазітыве і кажа, што ў яе «ёсць на прыкмеце» кандыдат, які, імаверна, прыйдзе працаваць у паліклініку сёлета ў маі.

— Хацелася б нагадаць бацькам, што праходжанне медагляду з'яўляецца планавым мерапрыемствам і павінна планавацца, гэта значыць праводзіцца па папярэднім запісе, — скончыла свой зварот Кулік.

Пад відэа з’явілася шмат аднатыпных каментароў, дзе абвінавачваюць саміх беларусаў у тым, што яны незадаволены бясплатнай медыцынай — быццам бы праз гэта медыкі і сыходзяць з прафесіі. А загадчыцы кажуць, што «не трэба апраўдвацца». Тым жа, хто пытае, як усё ж звычайным людзям трапіць на прыём да спецыяліста з такім графікам, раяць самім вывучыцца на дактароў і працаваць у паліклініцы.

Каментары9

  • Ганьба
    02.03.2025
    Моладзь, размяркоўвайцеся ў кобрынскую паліклініку - вы маладыя, жартаўлівыя, вам усё лёгка...
    • Сонейка
      02.03.2025
      Ганьба, няма ў вас гуманізма
  • Налогоплательщик
    02.03.2025
    Невролог та, очевидно, святая женщина - кинула б те 0,25 ставки, вообще б поликлинника без специалиста осталась бы. Но вопросы ж не к ней, и даже не к заведующей, а к уродкосму режиму, который деньги сливает на силавиков, а не на медиков и учителей

Азаронак напісаў пра палітэмігранта — пасля гэтага брата і бацьку таго кінулі за краты2

Азаронак напісаў пра палітэмігранта — пасля гэтага брата і бацьку таго кінулі за краты

Усе навіны →
Усе навіны

Як выпадковае знаёмства ў гей-клубе скончылася гучным забойствам. Новыя дэталі па справе беларуса, які 25 гадоў таму зарэзаў прадзюсара ў Маскве6

У Беларусі за 5 тысяч рублёў прадаюць 200-рублёвую банкноту. У яе вельмі незвычайны брак1

У ЗША могуць запусціць рэаліці-шоу, дзе імігранты будуць спаборнічаць за грамадзянства3

Затрымалі адміністратара беларускай Вікіпедыі Максіма Лепушэнку5

Беларускі ВУП вырас на 2,8 працэнта, але тэмпы запаволіліся1

Для ўсіх дзесяцікласнікаў увядуць вучэбна-палявыя зборы35

У тыктоку пакістанцам рэкламуюць магчымасць атрымання дазволу на працу ў Беларусі. Але беларусы бачаць падвох адразу1

Карпянкоў заявіў, што 90% навабранцаў хочуць служыць па кантракце18

Расія выставіла Украіне восем умоў21

больш чытаных навін
больш лайканых навін

Азаронак напісаў пра палітэмігранта — пасля гэтага брата і бацьку таго кінулі за краты2

Азаронак напісаў пра палітэмігранта — пасля гэтага брата і бацьку таго кінулі за краты

Галоўнае
Усе навіны →

Заўвага:

 

 

 

 

Закрыць Паведаміць