U dziciačaj paliklinicy Kobryna rastłumačyli, čamu nieŭrołah pracuje tolki dźvie hadziny na dzień
Paśla chvali abmierkavańnia ŭ internecie dziŭnaha pracoŭnaha hrafika nieŭrołaha, kiraŭnictva kobrynskaj dziciačaj palikliniki prakamientavała situacyju.
Trapić da nieŭrołaha ŭ dziciačaj paliklinicy ŭ Kobrynie sapraŭdny kvest. Doktarka Hanna Radzievič viadzie pryjom u paniadziełak, sieradu, čaćvier z 8:00 da 9:55, a ŭ aŭtorak z 9:00 da 12:51.
Adna z aburanych žycharak horada źniała videa i vykłała jaho ŭ tyktok. Usiaho za piać dzion videa nabrała 1,4 miljona prahladaŭ.
Na situacyju adreahavała kiraŭnictva toj samaj palikliniki. U tyktoku źjaviŭsia adkaz Ludmiły Kulik, zahadčycy filijała «Dziciačaja paliklinika» Kobrynskaj centralnaj rajonnaj balnicy.
— Aŭtarka videa nie pieradaje tuju pracu, jakuju vykonvaje dadzieny śpiecyjalist. Doktarka-nieŭrołah pracuje ŭ nas z 2017 hoda, jana zarekamiendavała siabie jak dobrasumlenny, adkazny supracoŭnik. Heta było adznačana administracyjaj. Heta adznačajuć i kamientatary pad videa.
Ludmiła Kulik kaža, što letaś u studzieni doktarku Hannu Radzievič pavysili, jana stała namieśnicaj zahadčycy. Ale, kab nie sychodzić sa svajoj prafiesii, nieŭrołah vyrašyła zastacca pracavać na čverć staŭki.
Adšukać novaha nieŭrołaha sprabavali, ale biez asablivaha pośpiechu.
— Za hety pieryjad novych daktaroŭ, maładych śpiecyjalistaŭ da nas nie raźmiarkoŭvali. Chaciełasia b rastłumačyć, što pry raźmierkavańni maładoha śpiecyjalista jon da nas adrazu nie prychodzić. My možam jaho ŭbačyć u lepšym vypadku praz hod paśla prachodžańnia internatury na abłasnym uzroŭni.
Skončyć zvarot Ludmiła Kulik sprabuje na pazityvie i kaža, što ŭ jaje «jość na prykmiecie» kandydat, jaki, imavierna, pryjdzie pracavać u palikliniku sioleta ŭ mai.
— Chaciełasia b nahadać baćkam, što prachodžańnie miedahladu źjaŭlajecca płanavym mierapryjemstvam i pavinna płanavacca, heta značyć pravodzicca pa papiarednim zapisie, — skončyła svoj zvarot Kulik.
Pad videa źjaviłasia šmat adnatypnych kamientaroŭ, dzie abvinavačvajuć samich biełarusaŭ u tym, što jany niezadavoleny biaspłatnaj miedycynaj — byccam by praz heta miedyki i sychodziać z prafiesii. A zahadčycy kažuć, što «nie treba apraŭdvacca». Tym ža, chto pytaje, jak usio ž zvyčajnym ludziam trapić na pryjom da śpiecyjalista z takim hrafikam, rajać samim vyvučycca na daktaroŭ i pracavać u paliklinicy.
Maładaja doktarka ź Minska raskazała pra bol usich učastkovych terapieŭtaŭ
Hałoŭnaja doktarka minskaj balnicy rastłumačyła, čamu nievialikija zarobki ŭ miedykaŭ — heta dobra
«Nabiaruć bolš studentaŭ, ale što rabić 6-7 hadoŭ?» Miedyk pra toje, jak ułady zmahajucca ź niedachopam daktaroŭ i što treba rabić
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary