Hałoŭnaja doktarka minskaj balnicy rastłumačyła, čamu nievialikija zarobki ŭ miedykaŭ — heta dobra
Hałoŭnaja doktarka minskaj Balnicy chutkaj miedycynskaj dapamohi Volha Śviatlickaja pasprabavała rastłumačyć, čamu ŭ Biełarusi nie chapaje miedykaŭ. Uspomniła i pra nievialikija zarobki — ale raptoŭna znajšła ŭ hetym plus.
— U 2022 hodzie The Lancet publikavaŭ, što nie chapaje 6,5 miljona daktaroŭ u śviecie. A ŭžo sioleta prahučała, što nie chapaje 14 miljonaŭ daktaroŭ. Heta źviazana z abjektyŭnymi faktarami źmieny śvietu, — skazała jana ŭ efiry Pieršaha nacyjanalnaha kanała Biełaruskaha radyjo.
Śviatlickaja zhadvaje, što niadaŭna da ich u balnicu pryjazdžali italjancy i skardzilisia na toje, što italjanskija miedycynskija ŭniviersitety stajać pustymi.
— Kazali, što maładyja italjancy nie žadajuć stanavicca lekarami. Na naša ździŭlenaje pytańnie — heta ž adna z takich dobrych krain, dzie chaciełasia b być doktaram i atrymlivać šmat hrošaj — jany adkazali, što nie. Siońnia dastatkova šmat śpiecyjalnaściej, dzie ź mienšaj dolaj adkaznaści možna atrymlivać bolš hrošaj.
Volha Śviatlickaja padkreśliła, što ŭ miedycynie vysokaja dola adkaznaści. Jana pryznała, što ludzi nie chočuć pracavać u hetaj śfiery pa abjektyŭnych pryčynach.
Ale ž znajšła jana i plus u tym, što ŭ biełaruskich miedykaŭ nievialikija zarobki:
— Ciešyć toje, što toj, chto zastajecca ciapier u miedycynie ci chto prychodzić ciapier u miedycynu, ščyry. Heta tyja ludzi, jakija majuć vysokuju duchoŭnaść. Heta značyć, tyja, chto chacieŭ syści pa hrošy, jon syšoŭ.
A tyja, chto zastaŭsia, jany chočuć lačyć, chočuć dapamahać ludziam. I viedajecie, taki sielektar taksama ŭ niečym i niadrenny.
«Małyška paśpieła tolki raspluščyć vočki». U Minsku niemaŭla pamierła ad aśfiksii — miedyki nie stali rabić kiesaravaha
Što viadoma pra novaha ministra achovy zdaroŭja Alaksandra Chadžajeva?
«Na nas hladzieli jak na varjataŭ. Doktarka admoviłasia prymać rody, bo mianie mahli paznać». Jak siamja Nahornaj i Słučaka chavałasia ad siłavikoŭ
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki25
Kamientary